వైరల్ అవుతున్న మెగా బ్రదర్ హంగామా ఫొటోస్..

ఈ మధ్య మెగా బ్రదర్ నాగబాబు బిగ్ బాస్ షో కంటెస్టెంట్లతో కలిసి పార్టీలు బాగానే జరుపుతున్నాడు. బిగ్ బాస్ షో ఫుల్ గా ఫాలో అయ్యాడో లేదో గాని వాళ్ళతో హంగామా మాత్రం మాములుగా చెయ్యట్లేదు. బిగ్ బాస్ రన్ అవుతున్న టైంలో అవినాష్, అభిజిత్.. వీరిలో ఎవరు గెలిచినా హ్యాపీనే అని నెట్టింట వైరల్ అయ్యాడు. ఆ తర్వాత అభిజిత్ కి మద్దతుగా నిలిచిన సంగతి తెలిసిందే. బిగ్ బాస్ టైటిల్ విన్నర్ అయ్యాక అభిజిత్ నాగబాబుతో స్పెషల్ మీటింగ్ కూడా ఏర్పాటు చేసాడు. మొత్తానికి అభిజిత్‌ను సత్కరించి, కేక్ కట్ చేయించి మరీ పార్టీ ఇచ్చేసాడు. ఇక తాజాగా నాగబాబు బిగ్ బాస్ కంటెస్టెంట్స్ అందరిని ఆహ్వానించి బిగ్ పార్టీ చేసి ప్రస్తుతం సోషల్ మీడియాలో వైరల్ అవుతున్నాడు. అభిజిత్ తప్ప మిగతా అందరూ నాగబాబుతో పార్టీలో హల్చల్ చేసినట్టు ఫొటోస్ చూస్తేనే తెలుస్తుంది.

ఇక నాగబాబు ఇచ్చిన ఈ పార్టీలో సోహెల్, అఖిల్, అవినాష్, మెహబూబ్ లు హైలైట్ అయ్యారట. న్యూ ఇయర్ సెలెబ్రేషన్స్‌లో భాగంగా బిగ్ బాస్ టీమ్ తో నాగబాబు చేసిన పార్టీ ప్రస్తుతం సోషల్ మీడియాలో మాములు హైలైట్ అవ్వడం లేదు. అందరూ కలిసి కేక్ కట్ చేసి సందడి చేసినట్టు కనిపిస్తోంది. ఇక అమ్మాయిలు అయితే మోడరన్ డ్రెస్సింగ్ స్టయిల్స్ తో తెగ ఆకట్టుకున్నారట. ఇక పార్టీ అయిపోయే ముందు అందరూ మాట్లాడుకున్నారు. అందులో మెహబూబ్ చాలా ఎమోషనల్ అయిపోయాడట. అంతేగాక 'నాగబాబుతో మాట్లాడిన ప్రతీ మాట, గడిపిన ప్రతీ క్షణాలు గొప్పవని.. అలాగే తమలో స్ఫూర్తి నింపాయంటూ నాగబాబుకు థాంక్స్' చెప్పాడు. అలాగే అందరూ కూడా నాగబాబుకు కృతజ్ఞతలు తెలిపి పార్టీ ఎంజాయ్ చేశారట. ప్రెసెంట్ మెగా బ్రదర్ విత్ బిగ్ బాస్ కంటెస్టెంట్స్.. పార్టీ నెట్టింట కూడా హల్చల్ చేస్తోంది.