అలా నాగబాబు ఆశలు పెట్టుకున్నాడు

అంజనా ప్రొడక్షన్స్.. మెగాస్టార్ ఫ్యామిలీ సొంతదైన ఈ బ్యానర్ పై సినిమాల నిర్మాణం మెగా బ్రదర్ నాగేంద్రబాబుదే. గతంలో ఎన్నో భారీ చిత్రాలను తీసిన ఈయన.. చాలా సంవత్సరాలుగా నిర్మాత బాధ్యతలకు దూరంగా ఉండడానికి కారణం.. ఆరెంజ్ మూవీ. ఆ సినిమా ఫ్లాప్ అవడంతో ఆర్థిక కష్టాల్లో కూరుకుపోయానంటూ.. లెక్కలేనన్ని సార్లు చెప్పి ఉంటాడు నాగబాబు.

అయితే తల్లి పేరుపై నిర్వహించే అంజనా ప్రొడక్షన్స్ ను ఆపేయడం ఆయనకు ఇష్టం లేదు. అందుకే మళ్లీ ఇప్పుడు ఈ బ్యానర్ కు పునర్ వైభవం తెచ్చేందుకు ప్రయత్నాలు ప్రారంభించాడు నాగబాబు. ఇందుకు అల్లు అర్జున్ సినిమాకి సహ నిర్మాణం చేయడమే ఉత్తమంగా భావించాడట. అందుకే వక్కంతం వంశీ దర్శకుడుగా పరిచయం కానున్న బన్నీ కొత్త సినిమాకి సమర్పకుడిగా మారిపోయి.. నిర్మాతల్లో తానూ ఒకరిగా అవతరించాడు నాగేంద్ర బాబు.

తాజాగా జరిగిన బన్నీ బర్త్ డే వేడుకల్లో కూడా నాగేంద్రబాబు ప్రత్యేక ఆకర్షణగా నిలవడం విశేషం. నా పేరు సూర్య అనే టైటిల్ ని ఈ చిత్రానికి నిర్ణయించే అవకాశాలు ఉండగా.. అంజనా ప్రొడక్షన్స్ అల్లు అర్జున్ ఎన్ని వెలుగులు తెచ్చిపెడతాడో చూడాలి.

Like Us on Facebook : https://www.facebook.com/Tupakidotcom/