చిరుతో విందు.. అసలు మేటర్ ఇదే: నాగార్జున

కింగ్ నాగార్జున ప్రస్తుతం వైల్డ్ డాగ్ మూవీ సక్సెస్ ఎంజాయ్ చేస్తున్నాడు. ఐతే వైల్డ్ డాగ్ విడుదలకు ముందురోజు నాగార్జున రిలీజ్ టెన్షన్ నుండి బయటపడేందుకు మెగాస్టార్ చిరంజీవితో విందు చేసిన ఫోటోను సోషల్ మీడియాలో పోస్ట్ చేశాడు. ఆ విందు ఎందుకు అన్నది ఎవరికీ ఇంతవరకు తెలియలేదు. అయితే తాజాగా హైదరాబాద్‌లో వైల్డ్ డాగ్ మూవీ సక్సెస్ మీట్ లో ఆరోజు ఏమి జరిగిందో.. దాని వెనుక కథ ఏంటో చెప్పేసాడు. నాగ్ మాట్లాడుతూ.. “చిరంజీవి గారు ఏదో పనిమీద కాల్ చేసారు. ఫ్యామిలీ మెంబర్స్ ప్రివ్యూ షో చూడటానికి వెళ్లారు. నేను ఒంటరిగా ఉన్నానని చెప్పాను. అలాగే మూవీ టీమ్ రిలీజ్ పనులలో బిజీగా ఉంది.

అయితే రాజమండ్రి నుండి ఎండ్రకాయలు వచ్చాయని వచ్చాయి. ఇంటికి రమ్మని చిరంజీవి పిలిచారని చెప్పారు. అలాగే చిరంజీవి ఎంతో రుచికరమైన వంట చేశారు. మేము పాతరోజుల గురించి సినిమా విడుదలకు ముందు పరిస్థితుల గురించి మాట్లాడుకున్నామని తెలిపాడు నాగ్. అయితే నాగ్ పోస్ట్ చేసిన ఆ ఫోటో అటు అక్కినేని ఫ్యాన్స్, ఇటు మెగాఫ్యాన్స్ కు ఓ ట్రీట్ అయింది. వీరిద్దరి స్నేహం కూడా అలాగే ఉంటుంది. ఇద్దరు హీరోలు తమ వృత్తిపరమైన శత్రుత్వాన్ని నిజజీవితంలోకి తీసుకురాకపోవడం ఆనందంగా ఉంది. అయితే వైల్డ్ డాగ్ సక్సెస్ వారాంతంలో మంచి కలెక్షన్స్ రాబట్టనుంది. మౌత్ టాక్ అనేది సినిమాకు మరింత సహాయం చేస్తుందని చిత్రబృందం నమ్మకంగా ఉంది. ప్రస్తుతం నాగ్ ప్రవీణ్ సత్తారు దర్శకత్వంలో ఓ యాక్షన్ ఫిల్మ్ చేస్తున్నాడు.