బాలీవుడ్ వెళుతున్న యంగ్ హీరో

యంగ్ హీరో నిఖిల్ సిద్ధార్ధ్ విభిన్నమైన సినిమాలకు కేరాఫ్ అడ్రస్ గా నిలుస్తున్నాడు. తన కేరక్టర్ కంటే స్టోరీలో వైవిధ్యానికే ఎక్కువ ప్రాధాన్యత ఇస్తూ.. ఆకట్టుకుంటున్న నిఖిల్.. ఇప్పుడు బాలీవుడ్ లో అరంగేట్రం చేసేందుకు రంగం సిద్ధం చేసుకున్నాడని తెలుస్తోంది.

తన సినిమాలతో ప్రశంసలు అందుకున్న బాలీవుడ్ దర్శకుడు నగేష్ కుకునూర్ ని.. ఓ కార్యక్రమంలో కలిశాడట నిఖిల్. అప్పటికే ఈ కుర్రాడిపై సదభిప్రాయం ఉన్న నగేష్.. ఓ సబ్జెక్ట్ గురించి డిస్కస్ చేశాడట. అప్పుడు మాట వరసకు ఓకే అనుకున్నా.. ఆ తర్వాత జెట్ స్పీడ్ లో ప్రాజెక్టుకు సంబంధించిన డెవలప్మెంట్స్ జరగడం చూసి.. ఆశ్చర్యపోయాడట నిఖిల్. అలాగే ఈ సబ్జెక్ట్ కూడా విపరీతంగా నచ్చడం.. తెలుగుతో పాటు హిందీలో కూడా ఈ చిత్రం రూపొందనుండడం.. స్టోరీకి ఇంపార్టెన్స్ ఇచ్చే డైరెక్టర్ కావడంతో.. ఇప్పటికే ఈ మూవీలో నటించేదుకు గ్రీన్ సిగ్నల్ ఇచ్చాడట నిఖిల్.

నిఖిల్ కి ఉన్న మార్కెట్ కారణంగా తెలుగులోను.. దర్శకుడికి బాలీవుడ్ లో ఉన్న ఇమేజ్ కారణం హిందీలోను ఈ చిత్రం వర్కవుట్ అవుతుందని భావిస్తున్నారట. అయితే.. ఈ ఏడాది ద్వితీయార్ధంలో షూటింగ్ ప్రారంభం కానున్న ఈ ప్రాజెక్టులో ఆకట్టుకునే పాయింట్ ఏంటంటే.. నిఖిల్ కి బాలీవుడ్ ఇది బాలీవుడ్ అరంగేట్రం అయితే.. నగేష్ కుకునూర్ కి టాలీవుడ్ ఎంట్రీ కావడం విశేషం.

Like Us on Facebook : https://www.facebook.com/Tupakidotcom/