మహేష్ బాబు భార్య నమ్రత ఇప్పుడు కొత్త లుక్స్ లో కనిపిస్తున్న సంగతి తెలిసిందే. ఓ మొక్కులో భాగంగా తలనీలాలు అర్పించిన ఆమె.. ఇప్పుడు కొత్త లుక్స్ లో కనిపిస్తూ సందడి చేస్తోంది. అటు మహేష్ భార్యగా పిల్లల విషయంలో కేరింగ్.. ఇటు భర్త సినిమాలకు సంబంధించిన వ్యవహారాలను ఎంతో చాకచక్యంగా చక్కబెడుతున్న నమ్రత స్టైలింగ్ మార్పు ఇప్పుడు హాట్ టాపిక్ అవుతోంది.
రీసెంట్ గా హైద్రాబాద్ లోని ఓ షాపింగ్ మాల్ జరిగిన ఈవెంట్ లో కనిపించిన నమ్రత లుక్స్.. అందరినీ ఆకట్టుకున్నాయి. ఇప్పుడు మరో ఈవెంట్ లో జీన్స్ ప్యాంట్.. ఫార్మల్ చెక్స్ టాప్ తో డిఫరెంట్ గా కనిపించింది నమ్రత. బాబ్ హెయిర్ కట్.. బెల్ బాటమ్ ప్యాంట్స్.. యాపిల్ కట్ షర్ట్ లో నమ్రత లుక్ అదిరిపోయింది. ఇప్పుడు సడెన్ గా నమ్రతా శిరోద్కర్ ఇలా స్టైలింగ్ ఛేంజ్ చేయడానికి ఓ రీజన్ వినిపిస్తోంది. తను ఓ మల్టీస్టారర్ లో కనిపించబోతున్నట్లు రీసెంట్ గా ఈమె రివీల్ చేసిన సంగతి తెలిసిందే.
ప్రాజెక్ట్ ఏదో చెప్పలేదు కానీ.. ఇప్పుడు ఆ సినిమా కోసమే.. మహేష్ భార్య తన లుక్స్ విషయంలో మార్పులు తెచ్చుకుంటోందని అంటున్నారు టాలీవుడ్ జనాలు. మరి ఆ మల్టీ స్టారర్ ఏదో కూడా తెలిసిపోతే.. సస్పెన్స్ మరింతగా విడిపోతుంది.
Like Us on Facebook : https://www.facebook.com/Tupakidotcom/