షాక్‌: బాలీవుడ్ డ్ర‌గ్స్ లింకులో న‌మ్ర‌త పేరు!!

బాలీవుడ్ లో మాద‌క ద్ర‌వ్యాల(డ్ర‌గ్స్)‌ తీగ లాగితే డొంకంతా క‌దులుతున్న సంగ‌తి తెలిసిందే. ఎన్.సి.బి విచార‌ణ‌లో ప‌లువురు అగ్ర క‌థానాయిక‌ల పేర్లు బ‌య‌ట‌ప‌డుతుండ‌డం సంచ‌ల‌న‌మైంది. తాజాగా ఈ కేసులో టాలీవుడ్ అగ్రనటుడు మహేశ్ బాబు భార్య నమ్రతా శిరోద్కర్ పేరు బయటపడ్డట్టు జాతీయ మీడియాలో కథనాలు వెలువ‌డ్డాయి.

ఇక ఎన్సీబీ ట్రాకింగ్ లో జ‌య‌సాహాతో న‌మ్ర‌త చాటింగు బ‌య‌ట‌ప‌డింద‌ని ఈ క‌థ‌నాలు వెల్ల‌డిస్తున్నాయి. ఇక ఇంత‌కుముందు ర‌కుల్ ప్రీత్ సింగ్ పేరు కూడా వినిపించ‌గా దానిపై ర‌కుల్ కోర్టును ఆశ్ర‌యించ‌నున్నార‌ని క‌థ‌నాలొచ్చాయి. తాజా ప‌రిణామంతో టాలీవుడ్ లోనూ దీనిపై ఆస‌క్తిక‌ర చ‌ర్చ సాగుతోంది.

ఈ కేసులో ఇప్పటికే కొందరు సినీ నటులు.. డ్రగ్స్‌ పెడ్లర్లను నార్కొటిక్స్‌ కంట్రోల్‌ బ్యూరో (ఎన్‌సీబీ) విచారిస్తోంది. ఇక ఇదే విచార‌ణ‌లో క‌థానాయిక దియా మీర్జా  పేరు కూడా తెరపైకి వచ్చింది. ఈ నేపథ్యంలో ఎన్‌సీబీ అధికారులు దియాను.. ఆమె మేనేజర్‌ను విచారించేందుకు అవ‌కాశం ఉంద‌ని జాతీయ మీడియా క‌థ‌నాలు వెల్ల‌డిస్తున్నాయి. 2019లో దియా డ్రగ్స్‌ తీసుకున్నార‌ని.. త‌న‌కు డ్రగ్స్‌ సరఫరా చేసినట్లు డ్రగ్‌ డీలర్స్‌ అధికారుల విచారణలో వెల్లడించార‌ని క‌థ‌నాలు రావ‌డం సంచ‌ల‌న‌మైంది.