ఆమె స్మైల్ చూడగానే ఎలాంటి మగాడి మనసులో అయినా ఓ చిన్న హ్యాపీనెస్ కలుగుతుంది. పెద్ద కళ్ళు ఉన్నప్పటికి స్మైల్ తోనే అందరిని ఆకర్షిస్తుంది. ఓ సారి స్ట్రాంగ్ గా బయపెట్టింది కూడా. ఆమె ఎవరో ఇప్పటికే అర్థమై ఉంటుంది. నీకు నాకు డాష్ డాష్ సినిమాతో టాలీవుడ్ కి ఎంట్రీ ఇచ్చిన బ్యూటీ నందితా రాజ్. తేజ దర్శకత్వంలో వచ్చిన ఆ సినిమా అనుకున్నంత రేంజ్ లో హిట్టవ్వలేదు. నందిత మాత్రం ఓ వర్గం వారిని బాగానే ఆకట్టుకుంది.
ఆ తరువాత ప్రేమ కథ చిత్రంతో బాగానే క్లిక్ అయ్యింది. నందిత తెలుగు బ్యూటీ అంటే మొదట్లో ఎవరూ నమ్మలేదు. ఇక నందిత కొన్ని సినిమాలతో కెరీర్ ని కొనసాగించింది. కానీ పెద్ద సినిమాల్లో అవకాశాలు రాలేదు. అయితే చాలా కాలం తరువాత ఈ తెలుగమ్మాయికి ఓ లీడ్ రోల్ చేసే అవకాశం దొరికింది. గీతాంజలి - త్రిపుర సినిమాలతో తనకంటూ ఓ గుర్తింపు తెచ్చుకున్న దర్శకుడు రాజ్ కిరణ్ నెక్స్ట్ తెరకెక్కించబోయే ఒక డిఫెరెంట్ కథలో నందిత లీడ్ రోల్ లో కనిపించనుంది.
ఇప్పటికే షూటింగ్ స్టార్ట్ అయినట్లు తెలుస్తోంది. విశ్వామిత్ర అనే టైటిల్ ను కూడా సెట్ చేశారట. దర్శకుడు తన స్టైల్ లోనే సినిమాను తెరకెక్కిస్తున్నట్లు సమాచారం. పూర్తిగా సస్పెన్స్ త్రిల్లర్ లో రాబోతున్న ఆ సినిమా నందితకు స్టార్ ఇమేజ్ ఎంతవరకు తెస్తుందో చూడాలి.