వరల్డ్ నెం.1 వెబ్ సిరీస్ ఫ్యాన్స్‌కి గుడ్ న్యూస్
గత పదేళ్లుగా ప్రపంచ వ్యాప్తంగా ఓటీటీ మార్కెట్‌ విపరీతంగా పెరిగింది. ఇండియాలో గత ఐదేళ్లుగా ఓటీటీ మార్కెట్‌ పెరిగింది.
గత పదేళ్లుగా ప్రపంచ వ్యాప్తంగా ఓటీటీ మార్కెట్‌ విపరీతంగా పెరిగింది. ఇండియాలో గత ఐదేళ్లుగా ఓటీటీ మార్కెట్‌ పెరిగింది. ఇప్పటి వరకు వచ్చిన వెబ్ సిరీస్‌ల్లో 'స్క్విడ్ గేమ్‌' అత్యధిక ప్రేక్షకాధరణ దక్కించుకున్న సిరీస్‌గా నిలిచింది. ప్రపంచ వ్యాప్తంగా అత్యధికులు చూసిన వెబ్ సిరీస్‌గా రికార్డ్‌ సొంతం చేసుకుంది. నెట్‌ ఫ్లిక్స్ ద్వారా స్ట్రీమింగ్‌ అవుతున్న ఈ వెబ్ సిరీస్ ఇప్పటికే రెండు సీజన్‌లు వచ్చింది. మొదటి సీజన్ సంచలన విజయాన్ని సొంతం చేసుకున్న నేపథ్యంలో రెండు, మూడు సీజన్‌లను ఒకేసారి షూట్‌ చేశారు. రెండో సీజన్‌ను గత ఏడాది డిసెంబర్‌లో ప్రేక్షకుల ముందుకు తీసుకు వచ్చిన విషయం తెల్సిందే.
మొదటి సీజన్‌కి ఏమాత్రం తగ్గకుండా రెండో సీజన్‌కి మంచి స్పందన వచ్చింది. మరోసారి ప్రపంచ వ్యాప్తంగా స్క్విడ్ గేమ్‌ గురించి చర్చ మొదలైంది. అత్యంత దారుణాలు ఉండే ఈ వెబ్ సిరీస్‌ను ప్రేక్షకులు ఇంతగా ఎలా చూస్తున్నారు బాబోయ్‌ అంటూ చాలా మంది ఈ వెబ్ సిరీస్‌ను చూస్తున్నారు. ఒక్క ఎపిసోడ్‌ చూడటం మొదలు పెడితే మైండ్‌లో అలాగే ఉండి పోతుంది. మొత్తం అన్ని ఎపిసోడ్స్ చూసే విధంగా ప్రేక్షకులను ప్రేరేపిస్తుంది. సిరీస్ మొదటి ఎపిసోడ్‌ నుంచి ప్రేక్షకులను ఒక ప్రపంచంలోకి తీసుకు వెళ్తారు. అక్కడ నుంచి అంత ఈజీగా ఆటగాళ్లతో పాటు ప్రేక్షకులు బయట పడలేరు. అందుకే ఈ వెబ్ సిరీస్ వరల్డ్ ఫేమస్‌ అయ్యింది.
ఇప్పుడు ఈ వెబ్ సిరీస్‌ను అభిమానించే వారికి నెట్ఫ్లిక్స్ గుడ్ న్యూస్ చెప్పింది. రెండు సీజన్‌లను పలు సార్లు చూసిన ప్రేక్షకులు ఇంకా ఎప్పుడు మూడో సీజన్ ఎప్పుడు వస్తుందా అంటూ ఎదురు చూస్తున్నారు. నెట్ఫ్లిక్స్ నుంచి మూడో సీజన్‌కి సంబంధించి అధికారిక ప్రకటన వచ్చింది. 2025 జూన్‌ 27 నుంచి మూడో సీజన్‌ను స్ట్రీమింగ్‌ చేయబోతున్నారు. ఇప్పటికే మూడో సీజన్‌ను ఈ వెబ్ సిరీస్ చివరి సీజన్‌గా మేకర్స్ ప్రకటించారు. మూడో సీజన్‌కి సైతం మంచి స్పందన వస్తే నాల్గవ సీజన్ రూపొందించాలనే డిమాండ్ సైతం ఉంది. కానీ ఇప్పటి వరకు మేకర్స్ నాల్గవ సీజన్ పై ఆసక్తి లేనట్లుగానే చెప్పుకొచ్చారు.
అత్యంత క్రూరమైన ఆటలను మొదటి రెండు సీజన్‌లలో చూపించారు. కీలకమైన చివరి, మూడో సీజన్‌లో గేమ్‌ కి ముగింపు పలికే అవకాశాలు ఉన్నాయి. ప్రపంచ వ్యాప్తంగా మూడో సీజన్ స్ట్రీమింగ్‌ కోసం వెయిట్‌ చేస్తున్నారు. ఈ సిరీస్‌కి ఉన్న క్రేజ్‌ నేపథ్యంలో ఇండియన్‌ భాషల్లోనూ డబ్‌ చేసిన విషయం తెల్సిందే. స్క్విడ్ గేమ్‌ సీజన్ 2 ను తెలుగులోనూ ప్రేక్షకుల ముందు ఉంచడంతో అత్యధికులు చూశారు. హిందీ ఇతర భాషల్లోనూ ఈ వెబ్ సిరీస్ మూడో సీజన్‌ను స్ట్రీమింగ్‌ చేయబోతున్నారు. షూటింగ్‌ పూర్తి చేసుకుని పోస్ట్‌ ప్రొడక్షన్‌ వర్క్‌లో ఉన్న స్క్విడ్ గేమ్‌ 3 ట్రైలర్‌ ను త్వరలోనే ప్రేక్షకుల ముందుకు తీసుకు రాబోతున్నారు.