నాన్న‌కు ప్రేమ‌తో ఇంకా లేట‌వుతోంది

ఎన్టీఆర్ హీరోగా సుకుమార్ ద‌ర్శ‌క‌త్వంలో నాన్న‌కు ప్రేమ‌తో షూటింగ్ శ‌ర‌వేగంగా సాగుతున్న సంగ‌తి తెలిసిందే. ఎట్టి ప‌రిస్థితుల్లో ఈ చిత్రాన్ని సంక్రాంతి బ‌రిలో రిలీజ్ చేయాల‌న్న‌ది మేక‌ర్స్ ప్లాన్‌. అందుకు త‌గ్గ‌ట్టే షెడ్యూల్స్ ప్లాన్ చేస్తున్నారు. అయితే ఈ చిత్రం ఆరంభంలోనే ప‌లుమార్లు వాయిదా ప‌డింది. విదేశీ షెడ్యూళ్లు అవ్వ‌డంతో కొన్ని సాంకేతిక స‌మ‌స్య‌ల వ‌ల్ల ఆల‌స్యంగా ప్రారంభం కావాల్సి వ‌చ్చింది. ఇప్పుడు అదే మ‌రోసారి కంటిన్యూ అవుతోంది.

ఇటీవ‌లి కాలంలో  హైద‌రాబాద్‌ లో షెడ్యూల్ పూర్తి చేసి విరామం తీసుకున్నారు. అయితే ఈ సినిమా త‌దుప‌రి షెడ్యూల్ కోసం స్పెయిన్ వెళ్లాల్సి ఉంది. కానీ మ‌రోసారి సాంకేతిక కార‌ణాల వ‌ల్ల‌ అది వాయిదా ప‌డింద‌ట. వాస్త‌వానికి ఈ నెల 1న చిత్ర‌ యూనిట్ స్పెయిన్ వెళ్లాల్సి ఉన్నా కొన్ని కార‌ణాల వ‌ల్ల వాయిదా వేసుకున్నారు. న‌వంబ‌ర్ రెండవ వారంలో ఉంటుంద‌ని తెలుస్తోంది. నెల‌రోజుల పాటు స్పెయిన్‌ లోనే యూనిట్ స్పెండ్ చేస్తుంది. మరి ఈ కాస్త టైమ్‌ లో షూటింగ్‌ చేసి కరక్టుగా మనోళ్ళు జనవరి 8 లేక 13న సినిమా తీసుకొస్తారా? ఇప్పుడు టైమ్‌ అంతా ఇలా వృధా అయితే లాస్టులో పంచ్‌ పడే ఛాన్సుంది. దాని వలన మిగిలిన సినిమాలు కూడా ఇబ్బంది పడతాయి. అంతే కాకుండా.. వేల్యుబుల్‌ సంక్రాంతి సీజన్‌ అనవసరంగా వేస్టయ్యే ఛాన్సుంది.

అత్తారింటికి దారేది వంటి ఇండ‌స్ర్టీ హిట్ ఇచ్చిన బి.వి.ఎస్‌.ఎన్ ప్ర‌సాద్ ఈ చిత్రాన్ని నిర్మిస్తున్నారు. ర‌కూల్ ప్రీత్ సింగ్ క‌థానాయిక‌గా న‌టిస్తోంది. దేవీశ్రీ సంగీతం అందిస్తున్నారు. అదీ మ్యాటరు.