బిగ్ బి మ‌న‌వ‌రాలు అద‌ర‌హో!

సెల‌బ్రిటీల కు రీల్ లైఫ్- రియ‌ల్ లైఫ్ ఏదైనా హంగామానే. ప‌బ్లిక్ అటెన్ష‌న్ ని త‌మ‌ వైపు తిప్పుకోవాల్సి ఉంటుంది. ఇక సెల‌బ్ క‌జిన్స్ కి ప‌బ్లిక్ లో అంతో ఇంతో ఫాలోయింగ్ ఉంటుంది. అందుక‌ని హ‌డావుడి కోసం తపించే వాళ్లు కొంద‌రు అయితే... అవ‌కాశం ఉండీ ఏ హ‌డావుడి లేకుండా సింప్లిసిటీ ని ప్ర‌ద‌ర్శించే వాళ్లు మ‌రికొంద‌రు. బిగ్ బి అమితాబ్ బ‌చ్చ‌న్ మ‌న‌వ‌రాలు న‌వ్యా న‌వేళి నందా కూడా అంతే. బాలీవుడ్ సూప‌ర్ స్టార్ గారాల మ‌న‌వ‌రాలు అయినా స‌రే ఓ సామాన్యురాలిగా సింపుల్ గా ఉంటుంది త‌ను. ముంబై సిటీలో సామాన్య జ‌నాల‌ మ‌ధ్య హ‌డావుడి అన్న‌దే లేకుండా తిరిగేస్తుంది.

తాజాగా ముంబైలోని ఓ మార్కెట్ కి వెళుతూ ఇదిగో ఇలా క‌నిపించింది న‌వ్య‌. లైట్ ప‌ర్పుల్ ష‌ర్ట్.. బ్లూ క‌ల‌ర్ జీన్స్ వేసుకుని క్యాజువ‌ల్ గా క‌నిపించింది. న‌వ్యా ఈ డ్రెస్ లో ఎంతో అందంగా క‌నిపిస్తోంది. ముంబై వీధుల్లో అత్యంత సాధార‌ణం గా తిరిగే న‌వ్యా న‌వేళి సినిమా ల్లోకి ఎంట్రీ ఇస్తుంద‌ని చాలా కాలంగా బాలీవుడ్ లో వ‌రుస క‌థ‌నాలు వినిపిస్తున్నాయి. అయితే వాటిపై ఆమె త‌ల్లి శ్వేతా బ‌చ్చ‌న్ నందా మాత్రం సానుకూలంగా స్పందించ‌క‌ పోవ‌డం చ‌ర్చ‌కొస్తోంది. న‌వ్యా న‌వేలి కి స్టార్ అయి పోవాల‌ని ఏమీ లేదు. అయితే త‌న‌కంటూ ఓ రోజు వ‌స్తుంద‌నే న‌మ్మ‌కాన్ని శ్వేతా వ్య‌క్తం చేస్తున్నారుట‌.

ఇదిలా వుంటే క‌పూర్ ల ఫ్యామిలీ నుంచి మరో వార‌సురాలు తెర‌ పైకి రానుంద‌ని జోరుగా ప్ర‌చారం జ‌రుగుతోంది. అనిల్ క‌పూర్ సోద‌రుడు సంజ‌య్ క‌పూర్ ముద్దుల కూతురు ష‌నాయా క‌పూర్ త్వ‌ర‌లో హీరోయిన్ గా ఎంట్రీ ఇవ్వ‌నుంది. చాలా అందంగా వుండే ష‌నాయా సోష‌ల్ మీడియా ఇన్ స్టాలో రెగ్యుల‌ర్  ఫొటోషూట్ల‌తో పిచ్చెక్కించేస్తోంది. అలాంటి అంద‌గ‌త్తె బాలీవుడ్ ఎంట్రీ ఇంకా ఎందుకు ఇవ్వ‌లేదా? అని అంతా ఆశ్చ‌ర్య‌పోతున్నార‌ట.