న్యూ ఇయర్ కానుకగా మాస్ కా బాప్ 'క్రాక్' ట్రైలర్..!

మాస్ మహారాజ్ ర‌వితేజ‌ - శృతి హాస‌న్ హీరోహీరోయిన్లుగా నటించిన చిత్రం 'క్రాక్'. గోపిచంద్ మలినేని దర్శకత్వం వహిస్తున్న ఈ చిత్రాన్ని సరస్వతి ఫిలిం డివిజన్ బ్యానర్‌ పై ఠాగూర్ మధు నిర్మిస్తున్నారు. వాస్త‌వ సంఘ‌ట‌న‌ల ఆధారంగా రూపొందిన ఈ చిత్రంలో రవితేజ పవర్‌ ఫుల్ పోలీసర్ పాత్రలో కనిపించనున్నాడు. సంక్రాంతి కానుకగా విడుద‌ల కానున్న ఈ సినిమాకు సంబంధించి ప్ర‌మోష‌న‌ల్ కార్య‌క్ర‌మాలు చిత్ర యూనిట్ మొద‌లు పెట్టారు. ఇప్పటికే టీజర్ సాంగ్స్ అంటూ రెగ్యులర్ గా అప్డేట్స్ ఇస్తూ సినిమాపై ఆసక్తిని కలిగించిన మేకర్స్.. ఇప్పుడు చిత్ర ట్రైలర్ ని విడుదల చేయడానికి సన్నాహాలు చేస్తున్నారు.

న్యూ ఇయర్ కానుకగా 2021 జనవరి 1వ తేదీన మాస్ కా బాప్ 'క్రాక్' ట్రైలర్ ని రిలీజ్ చేస్తున్నట్లు మేకర్స్ ప్రకటించారు. ఈ సినిమాలో తమిళ నటుడు, దర్శకుడు సముద్రఖని మరియు వరలక్ష్మీ శరత్ కుమార్ కీలక పాత్రల్లో కనిపించనున్నారు. థమన్ సంగీతం సమకూర్చిన ఈ చిత్రానికి రామజోగయ్య శాస్త్రి సాహిత్యం అందించాడు. జీకే విష్ణు సినిమాటోగ్రాఫర్ గా వ్యవహరించాడు. 'డాన్ శీను' 'బలుపు' వంటి సూపర్ హిట్స్ తర్వాత గోపిచంద్ మలినేని - రవితేజ కలయికలో రాబోతున్న ఈ హ్యాట్రిక్ మూవీపై భారీ అంచనాలే నెలకొన్నాయి. పోస్ట్ ప్రొడక్షన్ వర్క్స్ చివరి దశలో ఉన్న 'క్రాక్' చిత్రాన్ని సంక్రాంతి పండుగకు ప్రేక్షకుల ముందుకు తీసుకురానున్నారు.