త్రివిక్రమ్ కు చెబుతానని బెదిరిస్తున్నాడు

అఖిల్ - నితిన్ మంచి స్నేహితులన్న సంగతి తెలిసిందే. పైగా అఖిల్ ను హీరోగా ఇంట్రడ్యూస్ చేస్తోందే నితిన్. అలాంటి వాడి మీద త్రివిక్రమ్ కు కంప్లైంట్ చేస్తానని అంటున్నాడు అఖిల్. ఇంతకీ నితిన్ ఏం తప్పు చేశాడు..? అఖిల్ ఏమని కంప్లైంట్ చేస్తానంటున్నాడు..? ఈ సంగతేంటో చూద్దాం పదండి.

నిన్న రాత్రి తన అభిమానులతో చిట్ చాట్ కార్యక్రమం పెట్టాడు అఖిల్. ఐతే మధ్యలో పదే పదే నితిన్ వచ్చి అతణ్ని కెలకడం మొదలుపెట్టాడు. నేనంటే నీకెంత ప్రేమ అంటూ నితిన్ అఖిల్ ను అడగడం.. మధ్యలో సమంత ఎంటరవడం.. ఈ చాట్ కొంచెం సుదీర్ఘంగానే సాగింది. అభిమానుల కోసం పెట్టిన చిట్ చాట్ లో నితిన్ ఎంట్రీతో టైం వేస్ట్ అయిపోయింది.
ఐతే నితిన్ కు టాటా చెప్పేసి అభిమానులతో సంభాషణ కొనసాగిస్తుంటే.. మళ్లీ నితిన్ అడ్డం పడ్డాడు. ‘‘అఖిల్ సినిమాలో హీరోయిన్ గా నటించిన సాయేషా అంటే ఎక్కువిష్టమా? కమెడియన్ గా చేసిన బ్రహ్మానందం అంటే ఎక్కువిష్టమా? ఇద్దరూ అని మాత్రం సమాధానం చెప్పొద్దు’’ అంటూ అఖిల్ ను ఇరుకున పెట్టే ప్రయత్నం చేశాడు నితిన్. దీనికి సమాధానం ఇవ్వకుండా.. ‘‘నేను త్రివిక్రమ్ సార్ కు ఫోన్ చేస్తా. నువ్వు నా చాట్ ను డిస్టర్బ్ చేస్తున్నావని కంప్లైంట్ చేస్తా’’ అంటూ నితిన్ ను కౌంటర్ చేశాడు అఖిల్.

ఇంతకీ త్రివిక్రమ్ కు కంప్లైంట్ చేయడమేంటి అంటే.. ప్రస్తుతం నితిన్ హీరోగా త్రివిక్రమ్ ‘అ..ఆ’ సినిమా చేస్తున్న సంగతి తెలిసిందే. ఆ సినిమా సంగతేంటో చూసుకోకుండా తనను డిస్టర్బ్ చేస్తున్నాడని త్రివిక్రమ్ మాస్టర్ కి కంప్లైంట్ చేస్తానన్నాడన్నమాట అఖిల్.