అన్ని డేట్లూ ఇచ్చేసిన నితిన్

టాలీవుడ్ లో గెలిచి పడిలేచిన యువ హీరోల్లో  నితిన్ ఒకరు అని అందరికి తెలిసిందే. కెరీర్లో రిజల్ట్ తో సంబంధం లేకుండా లవర్ బాయ్ నీతిన్ తనదైన శైలిలో సినిమాలను చేసుకుంటూ వెళుతున్నాడు. కొత్త డైరెక్టర్ లతో  సీనియర్ డైరెక్టర్ లతో  వర్క్ చేస్తూ ఒక లెవెల్లో తన కెరీర్ ను ముందుకు సాగిస్తున్నాడు. అయితే ఇష్క్ సినిమా తరువాత ఆడియెన్స్ కి నితిన్ పై ఇంట్రెస్ట్ చాలా ఎక్కువగా పెరిగింది.

దీంతో మనోడు కూడా ఎప్పటికపుడు తన సినిమాకు సంబందించిన అప్డేట్స్ ని అభిమానులకు అందిస్తూ వచ్చాడు. కానీ రీసెంట్ గా తన అభిమాన హీరో పవర్ స్టార్ పవన్ కళ్యాణ్ ప్రొడక్షన్ లో నటిస్తూ.. సినిమా ఎండింగ్ కు వచ్చే వరకూ  ఎలాంటి విషయాన్ని చెప్పలేదు. సినిమా స్టార్ట్ అయ్యింది అని అందరికి తెలుసు కానీ ఎక్కడ ఎలా జరుగుతుంది అనే విషయాన్నీ చిత్ర యూనిట్ చాలా గోప్యంగా సాగించింది. ఇక ఫైనల్ గా నీతిన్ సినిమా షూటింగ్ అయిపోయేసరికి అసలు విషయాలను రూమర్స్ కి ఛాన్స్ ఇవ్వకుండా తనే క్లారిటీ ఇచ్చాడు.

ఫిబ్రవరి 12 న టైటిల్ ఫస్ట్ లుక్ ని రిలీజ్ చేసి ఆ తరువాత ఏ మాత్రం ఆలస్యం చేయకుండా మరో రెండు రోజుల్లో అంటే ఫిబ్రవరి 14న టీజర్ ని రిలీజ్ చేయాలనీ నితిన్ డిసైడ్ అయ్యాడు. ఇక ఆ తరువాత వరుసగా ప్రమోషన్స్ ని కంటిన్యూ చేస్తూ.. ఫైనల్ గా సినిమాను ఏప్రిల్ 5న రిలీజ్ చేయాలనీ చిత్ర యూనిట్ డిసైడ్ అయ్యింది. ఇక సినిమాకు లిరిక్ రైటర్ కృష్ణ చైతన్య దర్శకత్వం వహిస్తుండగా లై హీరోయిన్ మేఘా ఆకాష్ కథానాయికగా కనిపించనుంది.