ఏంటి.. ఎన్టీఆర్ గ్రీన్ సిగ్నల్ ఇచ్చేశాడా??

ఇప్పుడు యంగ్ టైగర్ ఎన్టీఆర్ ఒక షాకింగ్ డెసిషన్ తీసుకున్నట్లు తెలుస్తోంది. ఇప్పటివరకు ఎన్నో కథలను విన్న ఎన్టీఆర్..ఈసారి మాత్రం దర్శకుడు బాబీ (కె.ఎస్.రవీంద్ర) చెప్పిన కథను ఓకే చేసేశాడట. అదేంటి మొన్ననే ఇతను చెప్పిన ఒక కథను మన నందమూరి హీరో రిజక్టు చేశాడుగా? ఇప్పుడు గ్రీన్ సిగ్నల్ ఎలా ఇచ్చేశాడు? పదండి అసలు విషయమేంటో చూద్దాం.

మొన్నామధ్యన మాస్ రాజా రవితేజ కోసం కోన వెంకట్ సహాయంతో ఒక కథను ప్రిపేర్ చేశాడట బాబీ. ఇదే కథను ఎన్టీఆర్ కు వినిపిస్తే.. ముందు బాగానే ఉందని చెప్పినా కూడా తరువాత మాత్రం ఆ కతను రిజక్టు చేశాడట. అయితే వెంటనే రెండు వారాల్లో బాబీ మరో కొత్త కథను ఎన్టీఆర్ కు వినిపించడం జరిగింది. ఆ కథలోని కంటెంట్ అద్బుతంగా ఉండటంతో.. ఈ సినిమాను ప్రొడ్యూస్ చేయనున్న అన్నయ్య కళ్యాణ్‌ రామ్.. ఇప్పుడు బాబీకి అడ్వాన్సు ఇచ్చేశాడని ఈరోజు ఒక ప్రముఖ తెలుగు దినపత్రిక పేర్కొంది.

ముందు పూరి జగన్.. తరువాత వక్కంతం వంశీ.. తరువాత వినాయక్.. ఇక ఫైనల్ గా బాబీ. బాగుందండీ ఈ కుర్రదర్శకుడి లక్. గతంలో 'సర్దార్ గబ్బర్ సింగ్' సినిమా అవకాశం కూడా మనోడ్ని ఇలాగే వరించింది. మరి అప్పుడు పవన్ తో ఫెయిల్ అయిన ఈ డైరక్టర్ ఇప్పుడు ఎన్టీఆర్ తో హిట్టు కొట్టేస్తాడని ఆశిద్దాం.

Like Us on Facebook : https://www.facebook.com/Tupakidotcom/