మహేష్ కోసం ఎన్టీఆర్ టైటిల్ ?

ఇప్పుడు సూపర్ స్టార్ మహేష్ బాబు అభిమానుల దృష్టంతా మే 9న రానున్న మహర్షి మీదుంది కానీ ఆ తరువాత అనిల్ రావిపూడి దర్శకత్వంలో చేయబోయే మూవీ గురించి సైతం ఆసక్తి మాములుగా లేదు. ఎఫ్2తో మీడియం రేంజ్ ఉన్న వెంకటేష్ వరుణ్ తేజ్ లాంటి స్టార్స్ తో ఇండస్ట్రీ కొట్టిన అనిల్ ఇప్పుడు మహేష్ రేంజ్ హీరో దొరికాడు అంటే ఇంకే స్థాయిలో తీస్తాడో అని అప్పుడే అంచనాలు పెంచేసుకుంటున్నారు.

ఇదిలా ఉండగా అనిల్ రావిపూడి దీనికి స్క్రిప్ట్ రాస్తున్న టైంలోనే ఓ టైటిల్ మనసులో అనుకున్నాడట. అదేంటి అనుకుంటున్నారా.  ఆ టైటిల్ సరిలేరు నీకెవ్వరు. దివంగత ఎన్టీఆర్ నటించిన కంచుకోట సినిమాలోని ఎవర్ గ్రీన్ సాంగ్ పల్లవిలోని మొదటి లైన్ ఇది. అప్పట్లో సంగీత ప్రియులను ఉర్రూతలూగించడమే కాదు చిరకాలం గుర్తుండిపోయే పాటగా చరిత్రలో నిలిచిపోయింది

ఇదే దీనికి యాప్ట్ అని అనిల్ భావిస్తున్నాడట . ఎక్కువగా మూడక్షరాల సెంటిమెంట్ కు ప్రాధాన్యత ఇచ్చే మహేష్ కు ఈ మధ్య అది పెద్దగా కలిసి రావడం లేదు. స్పైడర్ తేడా కొట్టేసింది. ఇప్పుడు మహర్షికి ఒక్కడు పోకిరి టైపు లో పాజిటివ్ గా కలిసి వస్తుందని ఫాన్స్ నమ్మకం. ఇదిలా ఉండగా సరిలేరు నీకెవ్వరు టైటిల్ మహేష్ కు బాగా సూటవుతుంది.

అయితే ఇంత సాఫ్ట్ గా ఉంటే జనంలోకి వెళ్తుందా అనే సందేహం ఉన్నప్పటికీ అనిల్ మాత్రం కాన్ఫిడెంట్ గా ఉన్నాడట. గతంలో పవన్ కి అత్తారింటికి దారేది పెట్టినప్పుడు అందరూ షాక్ తిన్నారు. ఇప్పుడు ఆ టైటిల్ కాకుండా దానికి ఏది ఊహించినా సింక్ అవ్వదు. అందుకే సరిలేరు నీకెవ్వరు నే వర్కింగ్ టైటిల్ గా పెట్టుకుని మహేష్ 26 మొదలుపెట్టబోతున్నట్టు టాక్