ట్రైలర్‌ టాక్‌: సున్నితమైన 'ఒక మనసు'

ఎప్పుడెప్పుడా అని ఎదురు చూస్తున్న మెగా డాటర్‌ తొలి సినిమా టీజర్‌ ఎట్టకేలకు రానే వచ్చింది. నిన్న సాయంత్రం సోషల్‌ మీడియాలో ఈ టీజర్‌ ను రిలీజ్‌ చేశారు నిర్మాతలు. ఇంతకీ కొణిదెల నిహారిక ఎలా ఉంది? ఇంప్రెస్‌ చేసిందా? లేదా?

ఒక మెలోడీ సాంగ్‌ బ్యాక్‌ డ్రాప్‌ తో వచ్చిన ఒక మనసు టీజర్‌.. ఆకట్టుకుంది. 'ఈ మనసు చేరువుగా రా ఇలా.. నను నీలో ఆపుతూ...’ అనే మెలోడి సాంగ్‌తో ఇటు నిహారిక అటు నాగశౌర్య ఇంప్రెస్‌ చేశారనే చెప్పాలి. వైజాగ్‌ లోని రొమాంటిక్‌ బీచుల్లో.. మాంచి కలర్‌ ఫుల్‌ కాస్ట్యూమ్స్‌ తో.. రామ రాజు క్రియేట్ చేసిన మాంటేజెస్‌.. నిహారిక చీరకట్టుకుని ఒక మోడ్రన్‌ సావిత్రిలా తన మార్కును క్రియేట్‌ చేసుకోవడానికి ప్రయత్నించింది. ఈ టీజర్‌ వరకు ఆమె హావభావాలు కాని.. ఆమె లుక్‌ కాని.. అదిరిపోయాయ్‌. చాలా సున్నితమైన ఒక ప్రేమ కావ్యం అని అర్ధమవుతోంది. సంధ్య అనే డాక్టర్‌ పాత్రలో నిహారిక ఏ మేరకు ఆకట్టుకుంటుందో తెలియాలంటే.. మన సినిమా రిలీజయ్యేవరకు వెయిట్‌ చేయాల్సిందే.

మే 18న ఒక మనసు ఆడియో రిలీజ్‌ కానుంది. సునీల్‌ కశ్యప్‌ మ్యూజిక్‌ అందించాడు.
Full View