ప‌వ‌న్ స్టైల్ ఇంకా మార‌లేదేంటి?

ఒక ప్రేమ‌క‌థతో సినిమా తీస్తున్న‌ప్పుడు అందులో క‌థానాయ‌కుడు ఎలా వుంటాడు?  ల‌వ‌ర్‌ బోయ్‌ గా క్యూట్‌ గా క‌నిపిస్తుంటాడు. కానీ ప‌వ‌న్‌ క‌ళ్యాణ్ మాత్రం అలా అస్స‌లు కనిపించ‌డం లేదు. ఆయ‌న‌తో ఎస్‌.జె.సూర్య ఓ ప్రేమ‌క‌థ తీస్తున్న విష‌యం తెలిసిందే. ఈరోజే ఆ సినిమాకి కొబ్బ‌రికాయ కొట్టారు. అస‌లే స‌ర్దార్ గ‌బ్బ‌ర్‌ సింగ్ చేసిన గాయం నుంచి త్వ‌ర‌గా విముక్తి పొందాల‌ని చిత్ర‌బృందం ఆత్రుత‌గా వుంది. అందుకే వీలైనంత త్వ‌ర‌గా సినిమాని సెట్స్‌ పైకి తీసుకెళ్లాల‌ని నిర్ణ‌యించుకొన్నారు. ఆ మేర‌కే ముహూర్తాన్ని జ‌రిపేశారు. కానీ ప‌వ‌నే ఇంకా సినిమాకోసం పూర్తిస్థాయిలో స‌న్న‌ద్ధ‌మైన‌ట్టు క‌నిపించ‌డం లేదు.

ఆయ‌న కొత్త సినిమా గెట‌ప్‌ లోకి రావాలంటే ఇంకా చాలా స‌మ‌యమే ప‌ట్టేలా వుంది. మొద‌ట ఇతర తారాగ‌ణంపై స‌న్నివేశాలు తెర‌కెక్కించే ఆలోచ‌నేదైనా వుందేమో తెలియ‌దు మ‌రి. స‌మ్మ‌ర్ క‌టింగ్ చేయించి క్లీన్ షేవ్‌ తోనే క‌నిపిస్తున్నాడు ప‌వ‌న్‌. మ‌రి ఈసారి ఎలాంటి స్టైల్‌ లో ఆయ‌న తెర‌పై క‌నిపిస్తారో అని అభిమానులు ఆస‌క్తిక‌రంగా ఎదురు చూస్తున్నారు. తీసేది ప్రేమ‌క‌థ కాబ‌ట్టి ఖుషి స్టైల్‌ కి కాస్త అటు ఇటుగా ప‌వ‌న్ క‌నిపించొచ్చని ఫిల్మ్ న‌గ‌ర్ వ‌ర్గాలు చెబుతున్నాయి. ఈ సినిమా షూటింగ్ మొత్తం హైద‌రాబాద్‌ లోనే జ‌ర‌గ‌బోతోంద‌ని స‌మాచారం.