ప‌వ‌న్‌-అజిత్ మ‌ల్టీస్టార‌ర్ ..!

తెలుగు సినిమా రంగంలో ప‌వ‌ర్‌ స్టార్ ప‌వ‌న్‌ క‌ళ్యాణ్‌ కు ఎలాంటి క్రేజ్ ఉందో ప్ర‌త్యేకంగా చెప్పాల్సిన అవ‌స‌రం లేదు. ప‌వ‌న్ ఆన్‌ స్ర్కీన్ మీద క‌న‌ప‌డుతున్నాడంటే కాసుల క‌న‌క‌వర్షం కుర‌వాల్సిందే. హీరోగా ఎంత ఎత్తుకు ఎదిగినా అంత ఒదిగి ఉంటాడు ప‌వ‌న్‌. ఇక తెలుగువాడైనా కోలీవుడ్‌ లో టాప్ హీరోగా దూసుకుపోతున్నాడు తల అజిత్‌. అలాంటిది ఈ ఇద్ద‌రు క్రేజీ హీరోల కాంబినేష‌న్‌ లో సినిమా వ‌స్తే ఎలా ఉంటుంది. సౌత్ షేక్ అవ్వాల్సిందే..వెండితెర రికార్డులు బ‌ద్ద‌ల‌వ్వాల్సిందే.

 వీరిద్ద‌రి కాంబినేష‌న్‌ లో ఓ సినిమా రావాల‌ని ఈ ఇద్ద‌రు హీరోల అభిమానులు ఎప్ప‌టి నుంచో కోరుకుంటున్నారు. అయితే ప్ర‌స్తుతం లండ‌న్‌ లో ఉన్న ప‌వ‌న్‌ క‌ళ్యాణ్‌ ను ఓ అభిమాని ఇదే ప్ర‌శ్న వేయ‌గా ప‌వ‌న్ అందుకు త‌న‌దైన స్టైల్లో రిప్లే ఇచ్చాడు. ప‌వ‌న్ ప్ర‌స్తుతం లండ‌న్‌ లో జ‌రుగుతున్న యునైటెడ్ కింగ్‌ డ‌మ్ తెలుగు అసోసియేష‌న్ వేడుక‌ల్లో పాల్గొంటున్నాడు. ఈ వేడుక‌ల్లో ఓ అభిమాని ప‌వ‌న్‌ ను ప‌వ‌న్‌ క‌ళ్యాణ్ - అజిత్ కాంబోలో సినిమా వ‌స్తే చూడాల‌ని అనుకుంటున్నాం అని అడిగాడు.

 ఈ ప్ర‌శ్న‌కు ప‌వ‌న్ స్పందిస్తూ మా ఇద్ద‌రి కాంబినేష‌న్‌ లో మ‌ల్టీస్టార‌ర్ మూవీపై త‌న‌ను ఇప్ప‌టి వ‌ర‌కు ఎవ్వ‌రూ సంప్ర‌దించ‌లేద‌ని..భ‌విష్య‌త్తులో అలాంటి ఆలోచ‌న‌ - స్టోరీతో ఎవ‌రైనా వ‌స్తే తాను అజిత్‌ తో క‌లిసి ప‌నిచేసేందుకు సిద్ధంగా ఉన్నాన‌ని ప‌వ‌న్ చెప్పాడు. గ‌తేడాది కోలీవుడ్‌లో అజిత్ న‌టించిన వేదాళం సినిమా అక్క‌డ బ్లాక్ బ‌స్ట‌ర్ హిట్ అయ్యింది. సిస్ట‌ర్ సెంటిమెంట్‌ తో తెర‌కెక్కిన ఆ సినిమా తెలుగు రీమేక్‌ లో ప‌వ‌న్ న‌టిస్తాడ‌ని ప్ర‌చారం జ‌రిగినా ఆ సినిమా ప‌ట్టాలెక్క‌లేదు. ఏదేమైనా ఆ ఇద్ద‌రు స్టార్ హీరోల కాంబినేష‌న్‌ లో భారీ మ‌ల్టీస్టార‌ర్ తెర‌కెక్కితే అది సౌత్ ఇండియాలోనే బిగ్గెస్ట్ క్రేజీ ప్రాజెక్టుల‌తో ఒక‌టిగా నిల‌వ‌డంతో పాటు ఎన్ని సంచ‌ల‌నాలు క్రియేట్ చేస్తుంద‌న‌డంలో ఎలాంటి సందేహం లేదు.