తమ్ముడి కోసం ఖైదీ స్పెషల్ షో వేశారట

మెగా ఫ్యామిలీలో మిగిలిన వారంతా ఒక జట్టుగా ఉన్నా.. తమ్ముడు పవన్ కల్యాణ్ మాత్రం అన్నయ్యకు కాస్త దూరంగా ఉన్నారన్న మాట బలంగా వినిపిస్తున్న వేళ.. మెగా ఫ్యాన్స్ మొత్తం ఆనందంతో ఉక్కిరిబిక్కరి అయ్యే సమాచారం ఒకటి బయటకు వచ్చింది. అధికారికంగా అనౌన్స్ చేయనప్పటికీ.. అనధికార సమాచారం ప్రకారం.. చిరంజీవి 150 చిత్రం ఖైదీని తమ్ముడు పవన్ తాజాగా చూసినట్లుగా చెబుతున్నారు.

పవన్ కోసం చిత్ర నిర్మాత చరణ్ స్పెషల్ షోను ఏర్పాటు చేశారని..దీనికి పవన్ హాజరుకావటమే కాదు.. సినిమాను చూసి బాగుందన్న కామెంట్ చేసినట్లుగా చెబుతున్నారు. ఈ వార్తలో నిజానిజాలు ఎలా ఉన్నా.. ఈ సమాచారం మొత్తం మెగా ఫ్యాన్స్ లో ఫుల్ జోష్ కు గురి చేస్తోంది. తొమ్మిదేళ్ల గ్యాప్ తర్వాత వచ్చిన ఖైదీ బాక్స్ ఫీస్ దగ్గర కలెక్షన్ల దుమ్ము రేపటం తెలిసిందే.

Like Us on Facebook : https://www.facebook.com/Tupakidotcom/