ఐపీఎస్ కిర‌ణ్ భేడీ బ‌యోపిక్ లో?

పంజాబీ బ్యూటీ పాయ‌ల్ రాజ్ పుత్ స్పీడ్ గురించి చెప్పాల్సిన ప‌నేలేదు. ఆర్ ఎక్స్ 100 చిత్రంతో బోల్డ్ బ్యూటీగా పాపుల‌రైనా.. న‌టిగా పాయల్ ఎన‌ర్జీకి మంచి గుర్తింపు ద‌క్కింది. ఆ క్ర‌మంలోనే టాలీవుడ్ కోలీవుడ్ లో వ‌రుస‌గా సినిమాల‌కు సంత‌కాలు చేసింది. ఓవైపు న‌వ‌త‌రం హీరోల స‌ర‌స‌న సంత‌కాలు చేస్తూనే.. సీనియ‌ర్ల స‌ర‌స‌న న‌టించేస్తోంది. బెల్లంకొండ సాయి శ్రీనివాస్ హీరోగా నటించనున్న ఓ బయోపిక్ లో పాయల్ వేశ్యగా నటించేందుకు సంత‌కం చేసింది. స్టూవర్టుపురం దొంగ టైగర్ నాగ్వేశ్వర్ రావు బయోపిక్ గా చెబుతున్న ఈ మూవీలో వేశ్య పాత్ర‌కు న‌టించేందుకు స్కోప్ ఉంద‌ని తెలుస్తోంది. అలాగే ఇటీవ‌లే రిలీజైన‌ సీత చిత్రంలో బుల్ రెడ్డి అంటూ ఐటెం సాంగ్ తో కుర్రాళ్ళని కవ్వించిన సంగ‌తి తెలిసిందే.

మ‌రోవైపు సీనియర్ హీరోల స‌ర‌స‌న అవ‌కాశాలు అందుకుంటోంది పాయ‌ల్. విక్ట‌రీ వెంకటేష్ సరసన వెంకీ మామా.. మాస్ మ‌హారాజా ర‌వితేజ స‌ర‌స‌న‌ డిస్కో రాజా చిత్రాల్లో నటిస్తోంది. ఆర్డీఎక్స్ లవ్ అనే యూత్ ఫుల్ ఎంట‌ర్ టైన‌ర్ లోనూ ఛాన్స్ ద‌క్కించుకుంది. తాజాగా మ‌రో కొత్త ప్రాజెక్ట్ ను ప్ర‌క‌టించి స‌ర్ ప్రైజ్ చేసింది. ఈసారి పోలీస్ గెట‌ప్ లో ద‌ర్శ‌న‌మిచ్చి ఊహించ‌ని షాకిచ్చింది.

ఓవైపు వేశ్య పాత్ర‌లో న‌టిస్తున్న పాయ‌ల్ .. ఇలా స‌డెన్ గా ఐపీఎస్ అధికారి గెట‌ప్ లో ద‌ర్శ‌న‌మిచ్చిందేంటి? అంటూ షాక్ కి గుర‌వ్వాల్సి వ‌స్తోంది. ``న్యూ బిగినింగ్.. మ‌రో కొత్త తెలుగు సినిమాలో న‌టిస్తున్నా. ఇంకా  పేరు పెట్ట‌లేదు. నా కెరీర్ లోనే స్ట్రాంగ్ రోల్ పోషిస్తున్నా.. నెర్వ‌స్ గా ఉంది!  మీ ఆశీస్సులు కావాలి`` అని ఇన్ స్టాలో పోస్ట్ చేసింది. ఈ గెట‌ప్ చూస్తుంటే పాయ‌ల్ సైబ‌ర్ క్రైమ్ ని హ్యాండిల్ చేసే సీరియ‌స్ పోలీస్ అధికారిగా న‌టిస్తోంద‌ని అర్థ‌మ‌వుతోంది. ఇందులో పాయ‌ల్ పాత్ర పేరు కె.కిర‌ణ్ అంటూ ఓ అభిమాని గెస్ చేయ‌డం ఆస‌క్తిక‌రం. అంటే ఐపీఎస్ అధికారి కిర‌ణ్ భేడీ స్ఫూర్తితో తీస్తున్న సినిమానా.. ఇది? అన్న‌ది తెలియాల్సి ఉంది. పాయ‌ల్ లో టెన్ష‌న్ చూస్తుంటే క‌చ్ఛితంగా ఆ రేంజ్ పాత్ర ఇదని అర్థ‌మ‌వుతోంది.