పీరియడ్స్ కు సంబంధించిన ఫోటోని షేర్ చేసిన పాయల్..!

'Rx 100' బ్యూటీ పాయల్ రాజ్ పుత్ సోషల్ మీడియాలో ఎంత యాక్టీవ్ గా ఉంటారో తెలిసిందే. తనకు సంబంధించిన విషయాలతో పాటు నచ్చినవాటిని ఫాలోవర్స్ తో పంచుకుంటూ ఉంటుంది. తాజాగా పీరియడ్స్ (నెలసరి) కి సంబంధించిన ఓ ఫోటోని ఇన్స్టాగ్రామ్ స్టోరీగా పెట్టింది. ఓ అమ్మాయి బస్ లో బహిష్టు కావడం, దానిపై పక్కనే ఉన్న ఓ అబ్బాయి స్పందించిన తీరు తెలుపుతూ గత కొన్ని రోజులుగా ఓ పోస్ట్ సోషల్ మీడియాలో చక్కర్లు కొడుతోంది. ఇప్పుడు అదే పిక్ ను షేర్ చేసింది పాయల్.

ఇందులో ఓ తండ్రి తన కూతురికి జరిగిన అనుభవాన్ని తెలియజేస్తూ.. తన కూతురు ఓ బస్‌ లో ప్రయాణిస్తుండగా మొదటిసారి పీరియడ్స్ జరిగాయని, ప్యాంటుపై రక్తపు మరకలు చూసి పక్కనే ఉన్న ఓ అబ్బాయి ఆ విషయాన్ని చెప్పి.. తన స్వెటర్ ఇచ్చి, నడుముకు చుట్టుకొని ఇంటికి వెళ్ళమని తన కూతురితో చెప్పాడని.. ఆ అబ్బాయిని అలా పెంచిన అతని తల్లికి నా ధన్యవాదాలు ఈ ఫొటోపై రాసి ఉంది. ఇది చూసిన పాయల్ ఆ ఫొటోని తన ఇన్స్టాగ్రామ్ లో స్టోరీలో పెడుతూ క్లాప్స్ కొట్టింది. జనాలను మేలుకొలిపే పోస్ట్ నుధైర్యంగా పెట్టిన పాయల్ ను నెటిజన్స్ మెచ్చుకుంటున్నారు.

ఇంతకముందు యాంకర్ అనసూయ ఓ ప్రోగ్రామ్ లో భాగంగా తన మొదటి పీరియడ్స్ అనుభవాన్ని దైర్యంగా అందరితో షేర్ చేసుకున్న సంగతి తెలిసిందే. పీరియడ్స్ అనేది ఏదో తప్పైనట్లు అందరూ వాటి గురించి మాట్లాడడానికి భయపడుతుంటారని.. ఇలాంటి విషయాలు దాచుకోకూడదని.. వాటి గురించి బాహాటంగా చెబితేనే ఈ తరం వాళ్లకు అర్థమవుతుందని అనసూయ తెలిపింది.