పిక్ టాక్: కామ్రేడ్ సిద్ధ తో కలసి నవ్వులు చిందిస్తున్న 'ఆచార్య' 'సృష్టికర్త' ..!

కొరటాల శివ దర్శకత్వంలో చిరంజీవి - రామ్ చరణ్ హీరోలుగా తెరకెక్కుతున్న తాజా చిత్రం ''ఆచార్య''. కొణిదెల ప్రొడక్షన్స్ సమర్పణలో మ్యాట్నీ ఎంటర్టైన్మెంట్స్ పతాకంపై నిరంజన్ రెడ్డి ఈ చిత్రాన్ని నిర్మిస్తున్నారు. క‌మ‌ర్షియ‌ల్ సినిమాతో తనదైన శైలిలో సందేశం ఇవ్వాలని చూసే కొరటాల ఈ చిత్రాన్ని కూడా అదే తరహాలో తీర్చిదిద్దుతున్నారు. ఇందులో కామ్రేడ్ సిద్ధ అనే పాత్రలో చరణ్ నటిస్తున్నాడు. ఇప్పటికే చిరు - చెర్రీ ఇద్దరూ నక్సలైట్ గెటప్స్ లో చేతిలో తుపాకులు పట్టుకొని కనిపించి అభిమానులను అలరించారు. దీంతో కొరటాల తండ్రీకొడుకులని ఒకే స్క్రీన్ పై ఏ స్థాయిలో చూపిస్తారో అని ఫ్యాన్స్ అంచనాలు పెంచుకుంటున్నారు.

ఇకపోతే నేడు కొరటాల శివ పుట్టినరోజు సందర్భంగా సోషల్ మీడియాలో ఆయనకు సినీ ప్రముఖులు, అభిమానులు శుభాకాంక్షలు అందిస్తున్నారు. ఈ క్రమంలో మెగా పవర్ స్టార్ రామ్ చరణ్ కూడా దర్శకుడికి ట్విట్టర్ ద్వారా బర్త్ డే విషెస్ అందించారు. ఈ సందర్భంగా కొరటాల తో కలిసి ఉన్న ఓ ఫోటోని షేర్ చేశాడు. 'ఆచార్య' సెట్ లో తీసిన ఈ పిక్ లో చరణ్ - శివ ఇద్దరూ ఏదో చెప్పుకుంటూ నవ్వుకుంటున్నారు. సిద్ధ గెటప్ లో చెర్రీ ఆకట్టుకుంటున్నాడు. కాగా, 'ఆచార్య' కంటే ముందే కొరటాల డైరెక్షన్ లో చరణ్ నటించాల్సి ఉంది. బండ్ల గణేష్ ప్రొడక్షన్ లో ఓ సినిమా అనుకున్నారు. కొన్ని అనివార్య కారణాల వల్ల ఈ ప్రాజెక్ట్ క్యాన్సిల్ అయింది. ఇన్నాళ్లకు 'ఆచార్య' తో అలరించడానికి వస్తున్నారు.