ఆ ఒక్క విషయంలో మాత్రం రష్మిక మీద పూజా దే పైచేయి..!

'కిర్రిక్ పార్టీ' అనే కన్నడ సినిమాతో తెరంగేట్రం చేసిన రష్మిక మందన్నా.. 'ఛలో' చిత్రంతో టాలీవుడ్ లో ఎంట్రీ ఇచ్చింది. ఈ సినిమాలో అమ్మడిని చూసిన తెలుగు ప్రేక్షకులు ఇదేంటి ఈ అమ్మాయి ఇలా ఉందని కామెంట్స్ చేశారు. ఆ త‌రువాత 'గీత గోవిందం' సినిమాలో ర‌ష్మిక పర్లేదు బాగానే ఉంద‌న్నారు.. యాక్టింగ్ కూడా బాగా చేస్తోందన్నారు. ఇక 'డియ‌ర్ కామ్రేడ్' సినిమా టైమ్ లో ర‌ష్మిక స్టార్ హీరోయిన్ అన్నారు. ఈ క్రమంలో వచ్చిన 'స‌రిలేరు నీకెవ్వ‌రు' సినిమాలో ఈ బ్యూటీ ఇర‌గదీసింద‌న్నారు. 'భీష్మ' సినిమాతో లక్కీ భామకు టాలీవుడ్ లో తిరుగులేదన్నారు. ఇప్పుడు 'పుష్ప‌' మూవీలో కూడా ర‌ష్మిక రోల్ బాగుంటుందని అంటున్నారు.

అయితే ఈ బ్యూటీ వరుస హిట్స్ అందుకుంటున్నా తెలుగులో గ్లామరస్ హీరోయిన్ అనిపించుకోలేకపోతోంది. మ‌రోవైపు ర‌ష్మిక మందన్నా కి ఉన్న ఏకైక పోటీదారు పూజా హెగ్డే మాత్రం హాట్ బ్యూటీగా గుర్తింపు పొందుతోంది. ఈ ఒక్క విషయంలో మాత్రం రష్మిక మీద పూజా పైచేయి సాధిస్తూనే ఉంది. అయితే ఇప్పుడు రష్మిక బాలీవుడ్ లో కూడా అడుగుపెడుతోంది. వరుస అవకాశాలతో ఛలోమంటూ దూసుకుపోతోన్న ఈ భామకి అక్కడైనా హాట్ హీరోయిన్ అనిపించుకుంటుందేమో చూడాలి.

ప్రస్తుతం రష్మిక మందన్నా తెలుగు తమిళ కన్నడ హిందీ చిత్రాలలో నటిస్తోంది. పాన్ ఇండియా స్థాయిలో రూపొందుతున్న 'పుష్ప' మూవీతో పాటుగా శర్వానంద్ తో 'ఆడాళ్లు మీకు జోహార్లు' సినిమా చేస్తోంది. హిందీలో సిద్ధార్థ మల్హోత్రాతో ‘మిషన్‌ మజ్ను’ అనే స్పై థ్రిల్లర్‌ లో నటిస్తోంది. అలానే అమితాబ్‌ బచ్చన్‌ తో కలిసి ‘గుడ్‌ బై’ సినిమా చేస్తోంది. మూడో సినిమాకు కూడా కమిట్ అయినట్లు రష్మిక వెల్లడించింది.