'పవర్ ప్లే' ట్రైలర్: డ్రగ్స్ - రాజకీయాల నేపథ్యంలో వస్తున్న క్రైమ్ థ్రిల్లర్

'ఒరేయ్ బుజ్జిగా' సినిమా తర్వాత యువ హీరో రాజ్ త‌రుణ్ - డైరెక్టర్ విజ‌య్ కుమార్ కొండా కలిసి ఇప్పుడు ''పవర్ ప్లే'' సినిమాతో ప్రేక్షకుల ముందుకు వస్తున్నారు. శ్రీ‌మ‌తి ప‌ద్మ స‌మ‌ర్ప‌ణ‌లో వ‌న‌మాలి క్రియేష‌న్స్ ప‌తాకంపై మ‌హిద‌ర్‌ - దేవేష్ సంయుక్తంగా ఈ చిత్రాన్ని నిర్మిస్తున్నారు. ఇప్పటికే విడుదలైన ఫ‌స్ట్ లుక్‌ మరియు మోష‌న్ పోస్ట‌ర్‌ - టీజర్ సినిమాపై ఆసక్తిని కలిగించాయి. మార్చి 5న ఈ సినిమా విడుదలవుతున్న నేపథ్యంలో 'పవర్ ప్లే' థియేట్రికల్ ట్రైలర్ ని చిత్ర యూనిట్ విడుదల చేసింది.

సంబంధంలేని ఓ కేసులో ఇరుక్కున్న హీరోకి ఎదురైన పరిస్థితులు.. వాటి నుంచి అతను ఎలా బయటపడ్డాడనే కథాంశంతో ఈ చిత్రం రూపొందినట్లు ట్రైలర్ ద్వారా తెలుస్తోంది. డ్రగ్స్ - రాజకీయాలకి లింక్ చేస్తూ క్రైమ్ థ్రిల్లర్ కాన్సెప్ట్ తో ఈ సినిమా రానుంది. హేమాల్ హీరోయిన్ గా నటించిన ఈ చిత్రంలో నటి పూర్ణ నెగిటివ్ రోల్ లో కనిపిస్తోంది. ప్రిన్స్ - అజయ్ - కోట శ్రీనివాసరావు - మధు - పూజా రామచంద్రన్ - ధనరాజ్ - వేణు తదితరులు ఇతర పాత్రల్లో నటించారు.

'పవర్ ప్లే' చిత్రానికి నంద్యాల రవి కథ - మాటలు అందించారు. సురేష్ బొబ్బిలి అందించిన నేపథ్య సంగీతం.. ఐ. ఆండ్రీ సినిమాటోగ్రఫీ ఈ చిత్రానికి అదనపు ఆకర్షణగా నిలవనున్నాయి. ఈ చిత్రానికి  ప్రవీణ్ పూడి ఎడిటింగ్ వర్క్ చేస్తున్నారు. రాజ్ త‌రుణ్ - కొండా విజ‌య్ కుమార్ ఇద్దరూ తొలిసారి డిఫరెంట్ జోనర్ సినిమాతో వస్తున్నారని చెప్పవచ్చు. 'పవర్ పప్లే' సినిమాతో వీరు ఎలాంటి విజయాన్ని అందుకుంటారో చూడాలి.
Full View