ప్రభాస్ ప్రేమ కథకు అంత బడ్జెట్టా?

బాహుబలి తరువాత ఆ చిత్ర యూనిట్ లో ఎవరు ఏ సినిమా చేసినా దేశ వ్యాప్తంగా న్యూస్ వైరల్ అవుతోన్న సంగతి తెలిసిందే. ముఖ్యంగా బాహుబలి ప్రభాస్ నెక్స్ట్ సినిమా ఎప్పుడు వస్తుందా అని దేశంలో చాలా మంది ఎదురుచూస్తున్నారు. ఇప్పటికే సాహో సినిమాపై అంచనాలు చాలా పెరిగాయి. ఫస్ట్ లుక్ అందరికి తెగ నచ్చేసింది. దాదాపు 150 కోట్లతో సుజిత్ దర్శకత్వంలో యూవీ క్రియేషన్స్ నిర్మిస్తోన్న సంగతి తెలిసిందే. బాహుబలి క్రియేట్ చేసిన రికార్డులను దృష్టిలో ఉంచుకొని ఈ స్థాయిలో బడ్జెట్ పెడుతున్నారు.

అయితే ప్రభాస్ చేసే ఆ తరువాత సినిమాలు కూడా అదే తరహాలో ఉంటాయి అని తెలుస్తోంది. చిన్న స్టోరీ అయినా 100 కోట్ల బడ్జెట్ దాటేలా ఉన్నాయి. సాహో తరువాత ప్రభాస్ జిల్ దర్శకుడి లవ్ స్టోరీని ఒకే చేసిన సంగతి తెలిసిందే. డైరెక్టర్ రాధా కృష్ణ ఇప్పటికే సినిమా ఫుల్ స్క్రిప్ట్ ను పూర్తి చేసుకున్నాడు. అయితే ఈ ప్రాజెక్ట్ కోసం కూడా టాప్ టెక్నీషియన్స్ ని వాడనున్నారట. చాలా వరకు షూటింగ్ విదేశాల్లోనే ఉంటుంది. దేశం వ్యాప్తంగా మార్కెట్ ఉండడంతో ఎక్కడా కూడా తగ్గకూడదు అని ప్రభాస్ సినిమాను భారీ స్థాయిలో నిర్మించడానికి సిద్ధమవుతున్నారు.

అయితే ఆ సినిమా ఒక క్యూట్ రొమాంటిక్ ఎంటర్టైనర్.  ఈ కథ కోసం దాదాపు 120 కోట్ల బడ్జెట్ ను ఫిక్స్ చేసుకున్నట్లు సమాచారం. బాలీవుడ్ టాప్ హీరోలు కూడా ప్రేమ కథల కోసం ఈ స్థాయి బడ్జెట్ లో సినిమాలు చేయలేదు. వారిది ఒక భాషకు మాత్రమే పరిమితం. కానీ ప్రభాస్ మార్కెట్ ఇప్పుడు అంతటా పాకిపోయింది. అతని నుంచి ఏ సినిమా వచ్చినా చూడటానికి జనాలు ఎగబడేలా ఉన్నారు. దీంతో బడ్జెట్ ఆయన సినిమా సినిమాకు పెరుగుతోంది. మరి ఆ స్థాయిలో నిర్మిస్తోన్న సినిమా ఎంతవరకు ఆకట్టుకుంటుందో చూడాలి.