వైరల్ అవుతున్న ప్రభాస్ హీరోయిన్ ఇంస్టా వీడియో!!

బాలీవుడ్ స్టార్ హీరోయిన్ దీపికా పదుకొనే సోషల్ మీడియాలో ఎల్లప్పుడూ యాక్టీవ్ అని అందరికి తెలిసిందే. ఎప్పటికప్పుడు తన సినిమాలకు సంబంధించిన అప్డేట్స్, అలాగే అభిప్రాయాలను అభిమానులతో షేర్ చేసుకుంటుంది. అయితే తాజాగా అమ్మడు సోషల్ మీడియాలో పోస్ట్ చేసిన ఓ డాన్స్ వీడియో ఫుల్ వైరల్ అవుతోంది. ఇంస్టాగ్రామ్ వేదికగా పోస్ట్ చేసిన ఆ డ్యాన్స్‌ వీడియోలో దీపిక అనేక భావనలను వ్యక్తపరిచింది. ఈ ఇంస్టాగ్రామ్ వీడియోలో.. దీపిక పౌడర్ పింక్ ప్యాంటీ, క్రాప్ టాప్ లతో పాటు లైమ్ కలర్ ష్రగ్ ధరించి కనిపిస్తుంది. ఈ వీడియోలో దీపిక డాన్స్ చేస్తూనే చాలా రకాల మార్పులు చూపించింది. అంతేగాక "నేను.. నా ఆల్టర్ ఈగోస్!" అంటూ లైన్ మెన్షన్ చేసింది.

ప్రస్తుతం దీపిక ఆల్టర్ ఇగోస్ వీడియో సోషల్ మీడియాలో ట్రెండ్ అవుతోంది. ఇదిలా ఉండగా సినిమాల పరంగా దీపిక ఊపిరి తీసుకోలేని బిజీలో ఉందని సమాచారం. ఎందుకంటే చేతినిండా సినిమాలతో కొన్నేళ్లను గ్యాప్ లేకుండా చూసుకునే ప్లాన్ చేసిందట. అమ్మడు చివరిగా తన హోమ్ ప్రొడక్షన్ ఛపాక్ మూవీలో మెరిసింది. ప్రస్తుతం స్పోర్ట్స్ డ్రామా 83, శకున్ బాత్రా దర్శకత్వంలో కొత్త సినిమా, అలాగే హృతిక్ రోషన్ సరసన ఫైటర్, బాలీవుడ్ బాద్షా షారుఖ్ ఖాన్ తో పఠాన్, హాలీవుడ్ హిట్ ది ఇంటర్న్ రీమేక్ ఇలా అన్ని లైనప్ చేసింది. వీటితో పాటు డార్లింగ్ ప్రభాస్ - అమితాబ్ ల సైంటిఫిక్ థ్రిల్లర్ మూవీలో చేస్తోంది. ఇదిలా ఉండగా.. మహాభారతం నిర్మాణంలో భాగస్వామిగా వ్యవహారిస్తూ ద్రౌపది పాత్రను పోషిస్తున్నట్లు టాక్. మొత్తానికి అమ్మడు మరో రెండేళ్లు ఖాళీలేకుండా చూసుకుందిగా.. మొదటగా 83 మూవీతో ప్రేక్షకుల ముందుకు రాబోతుందట.


Full View