కంగువా.. బాబీ డియోల్ ఎంత తీసుకున్నాడంటే?

సూర్య హీరోగా శివ దర్శకత్వంలో తెరకెక్కిన ‘కంగువా’ మూవీ నవంబర్ 14న రిలీజ్ అయ్యింది. అయితే మొదటి రోజు మొదటి ఆటతోనే ఈ సినిమాకి డివైడ్ టాక్ వచ్చింది. భారీ బడ్జెట్ తో గ్రాండియర్ గా సినిమాని తెరకెక్కించిన కూడా స్టోరీ, స్క్రీన్ ప్లే అస్సలు బాగోలేదనే మాట ప్రేక్షకుల నుంచి వినిపిస్తోంది. సూర్య చాలా కష్టపడి నటించిన కూడా కంటెంట్ లో చెప్పుకోదగ్గ బలం లేకపోవడంతో ప్రేక్షకులని ఈ సినిమా పూర్తిగా నిరాశ పరిచిందని సినీ విశ్లేషకులు అంటున్నారు.

భారీ అంచనాల మధ్య వచ్చిన ‘కంగువా’ మూవీ ప్రేక్షకుల అంచనాలను అందుకోవడంలో పూర్తిగా విఫలం అయ్యిందనే కామెంట్స్ వినిపిస్తున్నాయి. ఇక ఈ సినిమాలో ప్రతినాయకుడిగా బాబీ డియోల్ నటించారు. అయితే ట్రైలర్ లో చూపించినంత పవర్ ఫుల్ గా అతని క్యారెక్టర్ ని డిజైన్ చేయలేకపోయారని అంటున్నారు. ఇదిలా ఉంటే ఈ సినిమా కోసం బాబీ డియోల్ కి ఏకంగా 5 కోట్ల రెమ్యునరేషన్ ఇచ్చినట్లు తెలుస్తోంది.

‘యానిమల్’ సూపర్ హిట్ సినిమా తర్వాత బాబీ డియోల్ క్రేజ్ అమాంతం పెరిగిపోయింది. దీంతో సౌత్ లో కూడా అతనికి ఆదరణ లభించింది. ఇందులో భాగంగానే ‘కంగువా’ సినిమాలో ప్రతినాయకుడిగా అవకాశం అందుకున్నారు. అయితే ఈ సినిమా కోసం భారీ రెమ్యునరేషన్ ఇచ్చి అతన్ని తీసుకున్న కూడా పెర్ఫార్మెన్స్ కి పెద్దగా స్కోప్ లేదని టాక్ వినిపిస్తోంది. ఇదిలా ఉంటే బాబీ డియోల్ బాలకృష్ణ ‘డాకు మహారాజ్’ సినిమాతో టాలీవుడ్ లోకి అడుగుపెడుతున్నారు.

ఇది కూడా పీరియాడికల్ జోనర్ లో తెరకెక్కిన సినిమా అని తాజాగా రిలీజ్ అయిన టీజర్ తో స్పష్టం అయ్యింది. బాలయ్య సినిమా అంటే కచ్చితంగా పవర్ ఫుల్ యాక్షన్ సీక్వెన్స్ ని ఆడియన్స్ ఎక్స్ పెక్ట్ చేస్తారు. అలాగే బలమైన విలన్ క్యారెక్టర్ కూడా ఉంటుంది. బాలయ్య పవర్ ని తట్టుకోవాలంటే పెర్ఫార్మెన్స్ పరంగా కూడా మెప్పించాలి. మరి ‘కంగువా’ సినిమాతో బాబీ డియోల్ కి రాని గుర్తింపు ‘డాకు మహారాజ్’ తో వస్తుందేమో చూడాలి.

ఈ సినిమా కోసం కూడా బాబీ డియోల్ 5 కోట్ల వరకు పారితోషికం తీసుకున్నట్లు తెలుస్తోంది. బాలయ్య కెరియర్ లోనే హైయెస్ట్ బడ్జెట్ చిత్రంగా ఈ మూవీ తెరకెక్కింది. బాబీ దర్శకత్వంలో సిద్ధమవుతోన్న ఈ సినిమా 2025 సంక్రాంతి కానుకగా రిలీజ్ చేయబోతున్నారు. దీని తర్వాత బాబీ డియోల్ పవర్ స్టార్ పవన్ కళ్యాణ్ ‘హరిహర వీరమల్లు’ సినిమాతో ప్రతినాయకుడిగా ప్రేక్షకుల ముందుకి రానున్నాడు. ఈ సినిమా ఏప్రిల్ 10న రిలీజ్ చేయనున్నట్లు ఇప్పటికే ప్రకటించారు.