విల‌క్ష‌ణ న‌టుడు ప్రకాష్ రాజ్ కెరీర్లో ఎన్నో అద్భుత‌మైన పాత్ర‌లున్నాయి. మ‌ర‌పురాని పెర్ఫామెన్స్‌ లు ఉన్నాయి. అందులో ప్ర‌త్యేకంగా చెప్పుకోద‌గ్గ వాటిలో మ‌ణిర‌త్నం సినిమా ఇద్ద‌రులోని క‌రుణానిధి పాత్ర ఒక‌టి. భిన్న పార్శ్వాల‌తో సాగే ఆ పాత్ర‌ను అద్భుతంగా పండించి మెప్పించాడు ప్రకాష్. ఆ సినిమా వ‌చ్చి రెండు ద‌శాబ్దాల పైనే అవ‌గా.. ఇన్నేళ్ల త‌ర్వాత మ‌ళ్లీ క‌రుణానిధి పాత్ర చేయ‌డానికి ప్రకాష్ రాజ్ సిద్ధ‌మ‌వుతుండ‌టం విశేషం. త‌మిళంలో దివంగ‌త ముఖ్య‌మంత్రి జ‌య‌ల‌లిత జీవిత క‌థ ఆధారంగా ఒక‌టికి మూడు సినిమాలు తెర‌కెక్కుతున్న సంగ‌తి తెలిసిందే. వాటిలో ప్ర‌త్యేకంగా క‌నిపిస్తున్న‌ది ఎ.ఎల్.విజ‌య్ ద‌ర్శ‌క‌త్వంలో తెలుగు నిర్మాత విష్ణు ఇందూరి నిర్మిస్తున్న చిత్ర‌మే.
త‌లైవి అనే టైటిల్‌ తో రాబోతున్న ఈ చిత్రంలో జ‌య‌ల‌లితగా బాలీవుడ్ భామ కంగ‌నా ర‌నౌత్ న‌టిస్తోంది. ఈ చిత్రంలో ఆమె ప్ర‌త్య‌ర్థిగా క‌రుణానిధి పాత్ర‌లో ప్రకాష్ రాజే క‌నిపించ‌నున్నాడ‌ట. ఒక నిజ జీవిత పాత్ర‌ను ఇలా రెండుసార్లు చేస్తున్న అరుదైన ఘ‌న‌త ప్రకాష్ రాజ్ కే ద‌క్క‌బోతోంది. జ‌య‌ల‌లిత జీవితంలో ఎమ్జీఆర్‌ది కూడా ముఖ్య పాత్ర. సినిమాలో ఆయ‌న పాత్ర‌కు అర‌వింద్ స్వామిని అనుకుంటున్న‌ట్లు స‌మాచారం. మొత్తానికి త‌లైవి చిత్రానికి అదిరిపోయే కాస్టింగే కుదిరిన‌ట్లుంది. దాదాపు ఏడాదిగా ఈ సినిమాకు ప్రి ప్రొడ‌క్ష‌న్ వ‌ర్క్ న‌డుస్తోంది. ప్ర‌స్తుతం కంగ‌నా.. జ‌య‌ల‌లిత లుక్‌లోకి మారే ప్ర‌య‌త్నం చేస్తోంది. ఆమెకు మేక‌ప్ టెస్టులు జ‌రుగుతున్నాయి. త్వ‌ర‌లోనే సినిమా ప‌ట్టాలెక్క‌నుంది.
త‌లైవి అనే టైటిల్‌ తో రాబోతున్న ఈ చిత్రంలో జ‌య‌ల‌లితగా బాలీవుడ్ భామ కంగ‌నా ర‌నౌత్ న‌టిస్తోంది. ఈ చిత్రంలో ఆమె ప్ర‌త్య‌ర్థిగా క‌రుణానిధి పాత్ర‌లో ప్రకాష్ రాజే క‌నిపించ‌నున్నాడ‌ట. ఒక నిజ జీవిత పాత్ర‌ను ఇలా రెండుసార్లు చేస్తున్న అరుదైన ఘ‌న‌త ప్రకాష్ రాజ్ కే ద‌క్క‌బోతోంది. జ‌య‌ల‌లిత జీవితంలో ఎమ్జీఆర్‌ది కూడా ముఖ్య పాత్ర. సినిమాలో ఆయ‌న పాత్ర‌కు అర‌వింద్ స్వామిని అనుకుంటున్న‌ట్లు స‌మాచారం. మొత్తానికి త‌లైవి చిత్రానికి అదిరిపోయే కాస్టింగే కుదిరిన‌ట్లుంది. దాదాపు ఏడాదిగా ఈ సినిమాకు ప్రి ప్రొడ‌క్ష‌న్ వ‌ర్క్ న‌డుస్తోంది. ప్ర‌స్తుతం కంగ‌నా.. జ‌య‌ల‌లిత లుక్‌లోకి మారే ప్ర‌య‌త్నం చేస్తోంది. ఆమెకు మేక‌ప్ టెస్టులు జ‌రుగుతున్నాయి. త్వ‌ర‌లోనే సినిమా ప‌ట్టాలెక్క‌నుంది.