మొదటి బర్త్ డేకి.. బీచ్ లో హడావుడి

బేవాచ్ సినిమాతో హాలీవుడ్ లో అడుగు పెట్టినప్పటి నుంచి ప్రియాంక చోప్రా బాలీవుడ్ లో పెద్దగా కనిపించడం లేదు. కండల వీరుడు రాక్ తో కలిసి నటించిన బేవాచ్ సినిమా బాక్సాఫీసు వద్ద పెద్దగా వర్కవుట్ అవనప్పటికీ ప్రియాంకకు కావలసిన గుర్తింపు వచ్చింది. ఈ సినిమా తర్వాత ఆమెకు మరో రెండు ఇంగ్లిష్ పిక్చర్స్ లో నటించే ఛాన్స్ వచ్చింది.

రీసెంట్ గా ప్రియాంక చోప్రా తన కుటుంబ సభ్యులందరితో కలిసి బర్త్ డే సెలబ్రేట్ చేసుకుంది. కాకుంటే ఈసారి సెలబ్రేషన్స్ ను డిఫరెంట్ గా ప్లాన్ చేసింది. తల్లి మధుచోప్రా తమ్ముడు సిద్ధార్ధ్ చోప్రాతో కలిసి ఓ ద్వీపంలో పుట్టిన రోజు సందర్భంగా సందడి చేసింది. ఈ సెలబ్రేషన్స్ కు సంబంధించిన ఫొటోలు వీడియోలను ఇన్ స్టాగ్రామ్ లో అభిమానులకు షేర్ చేసింది.  తనకు విషెస్ చెప్పినవారందరికీ థ్యాంక్స్ చెబుతూనే మీరే నా ప్రపంచం అంటూ క్యాప్షన్ జోడించింది. రాత్రి వేళ సముద్రపు ఒడ్డున హ్యాపీ బర్త్ డే పీసీ అనే దీపాల వెలుగులను చూస్తూ బాగానే ఎంజాయ్ చేసింది. ఏదేమైనా హాలీవుడ్ లో అడుగుపెట్టాక వచ్చిన మొదటి బర్త్ డే అయినందున ఈ మాత్రం హడావుడి ఉండాలిలే.

ప్రస్తుతం ప్రియాంక  ‘ఎ కిడ్ లైక్ జాక్’ ఈజ్ ఇట్ రొమాంటిక్ అనే హాలీవుడ్ సినిమాల్లో నటించింది. కెనడియన్ టీవీ సిరీస్ క్వారెంటో బేవాచ్ సినిమాలతో హద్దులు మీరిన అందాల ఆరబోతతో హాలీవుడ్ ప్రేక్షకులందరి గుండెలు కొల్లగొట్టిన ఈ భామ రెండు సినిమాల్లో ఇంకెంత రెచ్చిపోయి నటిస్తుందో చూడాలి.