చియాన్​ విక్రమ్​ కి తాతయ్యగా ప్రమోషన్

విలక్షణ నటుడు, చియాన్ విక్రమ్ తాత అయ్యారు. విక్రమ్ కూతురు అక్షిత సోమవారం ఆడబిడ్డకు జన్మినిచ్చారు. తమిళనాడు మాజీ ముఖ్యమంత్రి కరుణానిధి మునిమనువడు మను రంజిత్‌ను అక్షిత 2017లో ప్రేమ వివాహం చేసుకున్న విషయం తెలిసిందే. ఆ దంపతులకు కూతురు పుట్టడంతో విక్రమ్ ఇంట్లో పండుగ వాతావరణం నెలకొంది. విక్రమ్ ఈ మధుర క్షణాలను ఆస్వాదిస్తున్నారు. ఇక తన మనవరాలితో సరదాగా ఆడుకోవచ్చని సంబురపడిపోతున్నాడు. కరోనా వల్ల ఈ అకేషన్ ని అందరితో కలసి సెలెబ్రేషన్స్ చేసుకోవడానికి అవకాశం లేకపోవడంతో విక్రమ్ కుటుంబీకుల వరకే సంబరాల్లో మునిగిపోయారు.

కాగా, విక్రమ్ కొడుకు ధృవ్ తెలుగులో విజయవంతం అయిన అర్జున్ రెడ్డి మూవీని `ఆదిత్య వర్మ` పేరుతో రీమేక్ చేయగా తొలి సినిమాతోనే సూపర్ హిట్ అందుకున్నాడు. విక్రమ్ లాగే ధృవ్ కూడా మంచి నటుడు అని పేరు తెచ్చుకోవడంతో విక్రమ్ సంతోషంలో ఉన్నాడు. ఇప్పుడు తన మనవరాలి రాకతో విక్రమ్ కి సంతోషం రెట్టింపు అయ్యింది. మరోవైపు చియాన్ విక్రమ్ ‘డిమోంటి కాలనీ’ ఫేమ్‌ అజయ్ ఙ్ఞానముత్తు దర్శకత్వంలో ‘కోబ్రా’ అనే మూవీలో నటిస్తున్నారు. ఈ మూవీ ద్వారా టీమిండియా మాజీ క్రికెటర్ ఇర్ఫాన్ పఠాన్‌ వెండితెరపైకి ఎంట్రీ ఇస్తున్నారు. ఇక మంగళవారం పఠాన్ పుట్టినరోజు సందర్భంగా కోబ్రా నుంచి ఫస్ట్‌లుక్‌ని రిలీజ్ చేశారు. ఇందులో అస్లన్‌ ఇల్మజ్‌ ఏ ఫ్రెంచ్‌ ఇంటర్‌పోల్‌ ఆఫీసర్ పాత్రలో ఇర్ఫాన్ నటిస్తున్నారు. ఇప్పటికే విడుదలైన ఫస్ట్‌లుక్‌ అభిమానులను ఆకట్టుకున్నది. యాక్షన్ ఎంటర్‌టైనర్‌గా తెరకెక్కుతున్న ఈ మూవీలో విక్రమ్‌ ఏడు పాత్రల్లో కనిపించనున్నారు. కేజీఎఫ్‌ ఫేమ్‌ శ్రీనిధి శెట్టి ఇందులో హీరోయిన్‌గా నటిస్తోంది.