రాజ‌శేఖ‌ర్ సినిమాకు ఎట్ట‌కేల‌కూ మోక్షం..ఈ వారంలోనేనా!

ఒక సినిమా షూటింగ్ పూర్తి అయిన తొమ్మిదేళ్ల త‌ర్వాత విడుద‌లు అవుతోందంటే.. అదొక వింత కిందే లెక్క‌! 2011 లో రూపొంది, అప్పట్లోనే షూటింగ్ తో స‌హా అన్ని కార్య‌క్ర‌మాల‌నూ పూర్తి చేసుకున్న ఒక సినిమా ఈ వారంలో విడుద‌ల కాబోతోంద‌ట‌. ఆ క్రెడిట్ ను పొందుతూ ఉంది రాజ‌శేఖ‌ర్ సినిమా అర్జున. ఈ సినిమాలో రాజ‌శేఖ‌ర్ డ్యూయ‌ల్ రోల్ చేశాడ‌ట‌. త‌మిళ ద‌ర్శ‌కుడు క‌న్మ‌ణి ఈ సినిమాను రూపొందించాడు. ఇప్పుడు కాదు.. తొమ్మిదేళ్ల కింద‌ట‌!

అప్ప‌ట్లో రాజ‌శేఖ‌ర్ ఫామ్ లో లేడు. దీంతో మొత్తం పూర్తి అయినా ఈ సినిమాను విడుద‌ల చేయ‌లేక‌పోయిన‌ట్టుగా ఉన్నారు. అయితే పీఎస్వీ గ‌రుడవేగ విడుద‌లై హిట్ అయ్యాకా.. ఈ సినిమా విష‌యంలో క‌ద‌లిక వ‌చ్చింది. ఈ సినిమాను విడుద‌ల చేయ‌డానికి స‌న్నాహాలు చేశారు. అయితే అయినా దీనికి మోక్షం  క‌లిగిన‌ట్టుగా లేదు!

గ‌త ఏడాది కూడా ఈ సినిమాను విడుద‌ల చేయ‌బోతున్న‌ట్టుగా ప‌లు ప్ర‌క‌ట‌న‌లు వ‌చ్చాయి. అయితే సినిమా మాత్రం థియేట‌ర్ల వ‌ద్ద‌కు రాలేదు. అయితే ఈ నెల ఆరో తేదీన ఈ సినిమాను విడుద‌ల చేయ‌బోతున్న‌ట్టుగా తాజాగా ప్ర‌క‌టించారు.  ఈ సినిమా ప్ర‌మోష‌న్ ను రాజ‌శేఖ‌ర్ కూడా ప‌ట్టించుకుంటున్న‌ట్టుగా లేడు. ఇది విడుద‌ల అయినా కాక‌పోయినా రాజ‌శేఖ‌ర్ పెద్ద‌గా ఫీల‌య్యేది ఏమీ లేన‌ట్టుంది.

ఇది పొలిటిక‌ల్ సెటైర్ అని, ఏకంగా ఎనిమిది వంద‌ల స్క్రీన్ల మీద ఈ సినిమాను ఈ ఈవారంలోనే విడుద‌ల చేయ‌బోతున్న‌ట్టుగా నిర్మాత‌లు ప్ర‌క‌టించారు! తొమ్మిదేళ్ల కింద‌టి సినిమా ఇప్పుడు ఇన్ని థియేట‌ర్ల‌లో అంటే కూడా వింతే. ఇంత‌కీ ఈ వారం అయినా ఈ సినిమా విడుద‌ల ఉంటుందా అనేది మాత్రం ఇంకా మిస్ట‌రీనే కావొచ్చు!