జక్కన్న కాదని చెప్పినా వీళ్లు వదలట్లేదు

దర్శక ధీరుడు రాజమౌళి ప్రస్తుతం తెగ బిజీగా ఉన్నాడు. బాహుబలి ది కంక్లూజన్ కు సంబంధించిన పోస్ట్ ప్రొడక్షన్ పనులు పూర్తి చేసేందుకు.. జక్కన్న దగ్గర ఇంకా రెండున్నర నెలల టైం మాత్రమే ఉంది. 100 డేస్ ముందు నుంచి కౌంట్ డౌన్ స్టార్ట్ చేసి మరీ.. పనులను చక్కబెడుతున్నాడు దర్శకుడు.

ఇదే సమయంలో రాజమౌళి మరుసటి సినిమాపై కూడా విపరీతమైన బజ్ నెలకొంది. జక్కన్న తర్వాతి ప్రాజెక్ట్స్ అంటూ చాలా పేర్లే వినిపిస్తున్నాయి. ఈగ సీక్వెల్.. గరుడ.. బాహుబలి3.. వీటన్నిటితో పాటు మహాభారతం ప్రాజెక్టును కూడా జక్కన్న పరిశీలిస్తున్నాడనే టాక్ ఉంది. ఇప్పుడు ఓ ఇంగ్లీష్ న్యూస్ పేపర్ లో బాహుబలి నెక్ట్స్ ప్రాజెక్ట్ ఇదే అంటూ.. ఓ వార్త వచ్చేసింది. రజినీకాంత్.. మోహన్ లాల్.. ఆమిర్ ఖాన్ లతో భారీ మల్టీ స్టారర్ తీస్తున్నాడని.. ఇది మహాభారతం ప్రాజెక్టేనని ఆ ఆర్టికల్ సారాశం.

నిజానికి ప్రస్తుతం బాహుబలి2 తప్ప వేరే ఆలోచన ఏదీ లేదని చాలాసార్లే చెప్పాడు రాజమౌళి. రీసెంట్ గా రాజమౌళి తండ్రి విజయేంద్ర ప్రసాద్ కూడా ఇదే విషయాన్ని చెప్పాడు. ఇప్పటివరకూ అలాంటి ఆలోచన చేయలేదని చెప్పేశాడు. అయినా సరే.. ఇలాంటి రూమర్స్ పుట్టుకొస్తూనే ఉన్నాయి. ప్రపంచవ్యాప్తంగా ఒకేసారి బాహుబలి2ని రిలీజ్ చేయాలనే లక్ష్యంతో వర్క్ చేస్తున్న రాజమౌళి.. దాన్ని గురించి తప్ప వేరే ఏదీ ఆలోచించే పరిస్థితిలో లేడనే మాట వాస్తవం.

Like Us on Facebook : https://www.facebook.com/Tupakidotcom/