రామ్ చరణ్ ఏం మారలేదుగా

రామ్ చరణ్ నటిస్తున్న రంగస్థలం సినిమా పైన బోలెడు అంచనాలు ఉన్న మాట నిజమే. ఈ సినిమా త్వరలో మన ముందుకు రాబోతుండగా, చెర్రీ ఈ సినిమా కోసం. గెడ్డం పెంచి కొత్త లుక్ తో కనిపించబోతున్నాడు. ఇదిలా ఉండగా మెగా పవర్ స్టార్ ఇప్పుడు బోయపాటి దర్శకత్వంలో ఒక సినిమా చేయబోతున్నాడు.

కానీ బోయపాటి సినిమా కోసం చరణ్ తన లుక్ మార్చాల్సి ఉంది. కానీ తను మాత్రం ఇంకా అలానే కనిపిస్తున్నాడు. ఈ మధ్యనే తన భార్య ఉపాసన తో మాచింగ్ బట్టలు వేసుకుని ఉన్న ఫోటో తన ఇన్ స్టాగ్రామ్ లో పెట్టింది ఉపాసన. ఇందులో కూడా చెర్రీ గెడ్డం తో రంగస్థలం లుక్ లొనే ఉన్నాడు. ఒక పక్క బోయపాటి ఏమో ఫస్ట్ షెడ్యూల్ కూడా మొదలెట్టేసాడు. రంగస్థలం రిలీజ్ డేట్ కూడా దగ్గర పడుతూ ఉండటంతో ఇంకా బోయపాటి సినిమా మొదలెట్టేస్తాడూ అంటూ ఫాన్స్ ఆనందపడ్డారు. కాని ఇప్పుడు చరణ్‌ ను ఇలా చూస్తుంటే నిజంగానే కొన్ని రూమర్లు నిజమేనా అనిపిస్తోంది.

రామ్ చరణ్ ని ఒక మాస్ సినిమా లో చూడాలని ఎప్పటినుండో ఫాన్స్ అనుకుంటున్నారు. అందుకే మాస్ సినిమాలకి మరో పేరయిన బోయపాటి సినిమాకు ఓకె చెప్పాడు. కాకపోతే ఈ దర్శకుడు కథ విషయంలో కొత్తదనం చూపించట్లేదనే రిమార్క్ ఉండనే ఉంది. అందుకే చరణ్‌ సినిమాలోకి ఇంకా దూకలేదని అంటున్నారు. ఇక్కడ చూస్తే చరణ్ ఇంకా బోయపాటి సినిమా షూటింగ్ మోదలే పెట్టలేదు. అందుకే సదరు కథ రిలేటెడ్ గా వచ్చిన రూమర్లు నిజమే అనిపిస్తోంది కదూ. చూద్దాం చరణ్‌ ఏం చేస్తాడో!!