చెర్రీ గ‌ట్టిగానే కొట్టాడుగా!!

సౌండ్ ఇంజ‌నీర్ చిట్టిబాబుగా రామ్‌ చ‌ర‌ణ్ - రంగ‌స్థ‌లం చిత్రంలో చేసిన న‌టన‌కు అంద‌రూ ఫిదా అయిపోయారు. ఇన్ని రోజులు విమ‌ర్శించిన వారు కూడా చెర్రీ యాక్టింగ్ అద‌ర‌గొట్టేశాడంటూ ఆకాశానికి ఎత్తేస్తున్నారు. మ‌రీ లెంగ్త్ ఎక్కువ‌గా ఉంద‌నే విష‌యం త‌ప్ప‌ - సినిమాకి కూడా అన్ని వ‌ర్గాల నుంచి పాజిటివ్ రిపోర్టులే వ‌స్తున్నాయి. తాజా యూఎస్ ప్రీమియ‌ర్స్‌ లో కూడా క‌లెక్ష‌న్స్‌ అద‌ర‌గొట్టేశాడు చిట్టిబాబు.

గురువారం రాత్రి  అమెరికాలోని దాదాపు 142 సెంట‌ర్ల‌లో రంగ‌స్థ‌లం మూవీ ప్రీమియ‌ర్స్ వేశారు. ఈ ప్రీమియ‌ర్స్‌ కు బీభ‌త్స‌మైన రెస్పాన్స్ వ‌చ్చింది. ప్రీమియ‌ర్స్ క‌లెక్ష‌న్ల‌తోనే 6 ల‌క్ష‌ల 20 వేల డాల‌ర్లు కొల్ల‌గొట్టిందీ చిత్రం. ప్రీమియ‌ర్స్ ద్వారా అత్య‌ధిక వ‌సూళ్లు రాబ‌ట్టిన తెలుగు చిత్రంగా ఆరో స్థానంలో నిలిచింది రంగ‌స్థ‌లం. అంతేకాకుండా రామ్‌ చ‌ర‌ణ్ కెరీర్‌ లో ప్రీమియ‌ర్స్ ద్వారా ఇన్ని క‌లెక్ష‌న్లు రావ‌డం ఇదే మొద‌టిసారి. బాహుబ‌లి 2 - అజ్ఞాత‌వాసి - బాహుబ‌లి 1 - ఖైదీ నెం. 150 - స్పైడ‌ర్ చిత్రాలు మాత్రమే రంగ‌స్థ‌లం కంటే ముందున్నాయి.  యూఎస్ నుంచి కూడా సినిమాకి మంచి రెస్పాన్స్ వ‌స్తోంది. మొద‌టి రోజు క‌లెక్ష‌న్లతోనే రామ్‌ చ‌ర‌ణ్ 1 మిలియ‌న్ డాల‌ర్ల క్ల‌బ్ లోకి చేర‌డం ఖాయం. సినిమాకి వ‌స్తున్న పాజిటివ్ రివ్యూల బ‌ట్టి చూస్తే - చ‌ర‌ణ్ క్లోజింగ్ క‌లెక్ష‌న్స్ నాటికి చ‌ర‌ణ్‌ - మొద‌టిసారి రెండు మిలియ‌న్ల క్ల‌బ్‌ లోకి చేరొచ్చు కూడా.

రామ్‌ చ‌ర‌ణ్ న‌ట‌న‌తో పాటు రామ‌ల‌క్ష్మీగా స‌మంత‌ - కుమార్‌ బాబుగా ఆది పినిశెట్టి - జ‌గ‌ప‌తిబాబు - ప్ర‌కాష్‌ రాజ్‌ - అన‌సూయ పాత్ర‌ల‌కు - వారి న‌ట‌న‌కు మంచి మార్కులు ప‌డ్డాయి.