డాన్స్ తో దిమాక్ ఖరాబ్ చేయబోతున్న రామ్

బిరుదులోనే ఎనర్జీ పెట్టేసుకున్న రామ్ కొత్త సినిమా ఐస్మార్ట్ శంకర్ పూరి జగన్నాధ్ దర్శకత్వంలో శరవేగంగా షూటింగ్ పూర్తి చేసుకుంటున్న సంగతి తెలిసిందే. ఇప్పటికే కీలక భాగం టాకీ పార్ట్ ఫినిష్ చేసిన పూరి టీం ఇప్పుడు పాటలకు వెళ్ళిపోయారు. మణిశర్మ కంపోజ్ చేసిన దిమాక్ ఖరాబ్ అనే స్పెషల్ సాంగ్ ను హైదరాబాద్ లో ప్రత్యేకంగా వేసిన ఓ స్టూడియో సెట్ లో తీయబోతున్నారు.

ఇందులో రెండు విశేషాలున్నాయి. ఒకటి రామ్ డాన్స్. మాములుగానే తను డాన్స్ ఇరగదీస్తాడనే టాక్ ప్రేక్షకుల్లో ఉంది. అలాంటిది ఓ రేసీ మసాలా నెంబర్ ఇస్తే ఊరుకుంటాడా. ఇప్పుడు ఐస్మార్ట్ శంకర్ లో రామ్ రచ్చ మాములుగా ఉండదట. శేఖర్ మాస్టర్ కోరియోగ్రఫీలో బెస్ట్ మూమెంట్స్ తో దీన్ని తీయబోతున్నట్టు తెలిసింది

రామ్ దీని కోసం చాలా కష్టపడుతున్నాడు. ఇప్పటికే మేకోవర్ ద్వారా శరీరంతో పాటు హెయిర్ స్టైల్ లో సైతం చాలా మార్పులు చేసుకున్న రామ్ ని నెవర్ బెఫోర్ రోల్ లో పూరి చూపించబోతున్నాడట. అసలే హీరో దర్శకుడు సంగీత దర్శకుడు అందరూ ఈ సినిమాని ఓ సవాల్ లా తీసుకుని బ్లాక్ బస్టర్ టార్గెట్ తో వర్క్ చేస్తున్నారు.

ఇప్పటికే రషెస్ చూసినవాళ్లు పాటలు విన్నవాళ్ళు చాలా పాజిటివ్ గా మాట్లాడుతుండటం పూరి రామ్ ఫ్యాన్స్ కి కిక్ ఇస్తోంది. ఇప్పుడు పూర్తి తెలంగాణా యాసలో కంపోజ్ చేసిన దిమాక్ ఖరాబ్ లో రామ్ తన స్టెప్స్ తో నిజంగా అన్నంత పని చేసేలా ఉన్నాడు. నిధి అగర్వాల్ నభ నటేష్ హీరొయిన్లుగా నటించిన ఈ మూవీకి పూరితో పాటు ఛార్మీ కూడా నిర్మాతగా వ్యహరిస్తోంది.