వర్మ డైలీ రొటీన్.. పోర్న్ సుప్రభాతం!

ఊరంతా ఒక దారైతే ఉలిపి కట్టెది మరో దారని సామెత. రామ్ గోపాల్ వర్మది అదే తీరు.  దాదాపుగా సెలబ్రిటీలు అందరూ వివాదాలకు దూరంగా పరిగెడతారు.. ఆర్జీవి మాత్రం వివాదాలను తన వాలెట్ లో పర్మనెంట్ గా పెట్టుకొని తిరుగుతూ ఉంటాడు.  ఇప్పుడున్న 'మనోభావాలు దెబ్బతినే సమాజం'లో  ఏ సెలెబ్రిటి కూడా కులాలపై మాట్లాడేందుకు సాహసించడు. కానీ వర్మ మాత్రం నాన్ కాంట్రవర్షియల్ అంటూనే 'కమ్మరాజ్యంలో కడప రెడ్లు' అని టైటిల్ తోనే వివాదానికి శ్రీకారం చుట్టాడు.  రీసెంట్ గా ఈ సినిమానుంచి ఒక పాట విడుదల చేస్తే అది సంచలనం సృష్టించింది.

ఇదిలా ఉంటే వర్మ రీసెంట్ గా ఒక ఇంటర్వ్యూలో తన మార్నింగ్ రొటీన్ ను వివరించి అందరినీ షాక్ కు గురి చేశాడు.   పోర్న్ ను వర్మ అమితంగా ఇష్టపడతాడనేది అందరికీ తెలిసిన విషయమే. ఇప్పటికే వర్మ ఈ విషయాన్ని పాత ఇంటర్వ్యూలలో వెల్లడించాడు.  తాజా ఇంటర్వ్యూలో దాన్ని ఇంకాస్త వివరంగా చెప్పాడు.  వర్మ ప్రతి రోజూ మూడు గంటలే నిద్రపోతాడట.  రాత్రి ఏ సమయంలో పడుకున్నా పొద్దున మాత్రం 6 గంటలకే నిద్ర లేస్తాడట.  లేవగానే 15 నిముషాలు పోర్న్ చూస్తానని.. అలా ఉదయాన్నే పోర్న్ చూడడం తనకు మాంచి ఎనర్జీ ఇస్తుందని తెలిపాడు.  తనకు అదోరకమైన ఎనర్జీ టాబ్లెట్ అన్నాడు గురుడు!

పొద్దునే తన పక్కన ఒక అమ్మాయి ఉన్నా పోర్న్ చూడడం మాననని.. పోర్న్ చూసే విషయం బైటకు చెప్పడంలో తనకేమీ మొహమాటం లేదంటూ తనదైన శైలిలో పోర్న్ క్లాసు తీసుకున్నాడు వర్మ.  పోర్న్ కార్యక్రమం ముగిసిన తర్వాత కొంత సేపు డాక్యుమెంటరీలు చూస్తాడట. ఆ తర్వాతే మిగతా కార్యక్రమాలు ఉంటాయట. బాగుంది కదా.. కలికాలానికి కావాల్సిన ప్రవచనాలు ఇవే.. ఇలాంటివాటికి డిమాండు ఎక్కువ!