నాగార్జున‌ను పుల‌కింప‌జేసిన ఆ ఫొటో

తెలుగు సినిమా చ‌రిత్ర‌ను మ‌లుపు తిప్పిన సినిమా ‘శివ‌’. ఆ చిత్రం అక్కినేని నాగార్జున‌.. రామ్ గోపాల్ వ‌ర్మ కెరీర్ల‌కు కూడా గొప్ప మ‌లుపు. ఈ చిత్రానికి సంబంధించి ఏ చిన్న విష‌యం గుర్తుకొచ్చినా.. అటు వ‌ర్మ‌.. ఇటు నాగార్జున పుల‌కించిపోతుంటారు. తాజాగా ఆ సినిమా షూటింగ్ సంద‌ర్భంగా తీసిన ఒక ఫొటోను ట్విట్ట‌ర్లో షేర్ చేసి నాగార్జున‌ను క‌దిలించాడు వ‌ర్మ‌.‘శివ‌’లోని కిస్ మి రాంగ్ నంబ‌ర్.. పాట చిత్రీక‌ర‌ణ సంద‌ర్భంగా నాగార్జున‌.. అమ‌ల‌ల‌కు వ‌ర్మ సూచ‌న‌లిస్తున్న ఫొటో అది. బ్లాక్ అండ్ వైట్.. మ‌స‌క‌బారిన ఆ ఫొటోను ట్విట్ట‌ర్లో పెట్టి.. ఒక‌ కామెంట్ చేశాడు వ‌ర్మ‌.

‘‘కిస్ మి రాంగ్ నంబ‌ర్ పాట చిత్రీక‌ర‌ణ సంద‌ర్భంగా నాగార్జున‌.. అమ‌ల‌ల‌తో నేను’’ అని ట్వీట్ చేశాడు వ‌ర్మ‌. దీనిపై త‌ర్వాత నాగార్జున స్పందించాడు. ’’హేయ్ వ‌ర్మా.. ఈ ఫొటో నాకు ఎన్నో అంద‌మైన అనుభ‌వాల్ని గుర్తుకు తెస్తోంది. ఐతే నేను అప్పుడు ‘కిస్ మి రైట్ నంబ‌ర్’ అన్నాను’’ అని నాగ్ బ‌దులిచ్చాడు. త‌ర్వాత వ‌ర్మ‌.. ‘‘ఆహా ఎస్ సార్’’’’ అని రిప్లై ఇచ్చాడు. వ‌ర్మ‌.. నాగార్జునల‌కు మాత్ర‌మే కాదు.. ‘శివ’ తాలూకు అనుభ‌వాలు గుర్తుకొస్తే సామాన్య ప్రేక్ష‌కుల‌కు కూడా ఒక పుల‌కింత క‌లుగుతుంది. ఆ సినిమా ఇచ్చిన అనుభూతి అంత ప్ర‌త్యేక‌మైంది మ‌రి. ‘శివ’ త‌ర్వాత సినిమాలు చూసే దృక్కోణం కూడా మారిపోయింది తెలుగు ప్రేక్ష‌కుల్లో.


Like Us on Facebook : https://www.facebook.com/Tupakidotcom/