ఎన్టీఆర్ రక్తం కారుతున్నా డ్యాన్స్ ఆపలేదట

జూనియర్ ఎన్టీఆర్ డ్యాన్సింగ్ టాలెంట్ గురించి.. అతడి కమిట్మెంట్ గురించి కొత్తగా చెప్పాల్సిన పని లేదు. గతంలో చాలామంది వేరే ఇండస్ట్రీల వాళ్లు కూడా ఎన్టీఆర్ మీద ప్రశంసల జల్లు కురిపించారు. తాజాగా ఒకప్పటి హార్ట్ త్రోబ్ రంభ కూడా ఎన్టీఆర్ మీద ప్రశంసలు కురిపించింది. ఈ తరం హీరోల్లో డ్యాన్సల పరంగా ఎన్టీఆరే తన ఫేవరెట్ అంది. తారక్ తో తాను చేసిన ‘యమదొంగ’లోని నాచోరే పాట చాలా స్పెషల్ అని రంభ తెలిపింది. ఈ పాట షూటింగ్ సందర్భంగా ఓ మరపురాని సంఘటన గురించి రంభ గుర్తు చేసుకుంది.

‘‘ఇప్పటితరం హీరోల్లో డ్యాన్సుల్లో ఎన్టీఆర్ నా ఫేవరెట్. అతను అద్భుతంగా డ్యాన్స్ చేస్తాడు. ‘యమదొంగ’లోని నాచోరే పాటలో చాలా కష్టమైన స్టెప్స్ ఉంటాయి. ఆ మూమెంట్స్ చేస్తుండగా ఎన్టీఆర్ కాలికి పెద్ద గాయమైంది. విపరీతంగా రక్తం కారింది. అయినా అతను డ్యాన్స్ ఆపలేదు. బాధను అణచుకుని డ్యాన్స్ కంటిన్యూ చేశాడు. అతడి కమిట్మెంట్ అద్భుతంగా. పెర్ఫామెన్స్ పరంగానూ ఎన్టీఆర్ నాకు చాలా నచ్చుతాడు’’ అని రంభ తెలిపింది. డ్యాన్సుల్లో తిరుగులేని రంభ నుంచి ఎన్టీఆర్ కు ఇలాంటి కాంప్లిమెంట్ రావడం విశేషమే. ఇంతకుముందు రమ్యకృష్ణ కూడా ‘సింహాద్రి’లోని పాట గురించి ఎన్టీఆర్ పై ప్రశంసలు కురిపించింది.

Like Us on Facebook : https://www.facebook.com/Tupakidotcom/