రమేష్ పుప్పాల.. ‘మిరపకాయ్’ లాంటి హిట్టు సినిమాతో ఇండస్ట్రీలోకి అడుగు పెట్టిన నిర్మాత. రెండో సినిమాకే బాలయ్యతో పని చేసే ఛాన్స్ కొట్టేశాడు. ఆ తర్వాత కృష్ణవంశీ-నానిల సెన్సేషనల్ కాంబినేషన్ లో ‘పైసా’ సినిమా కూడా తీశాడు. ఐతే మూడో సినిమాకు ఆయన పెద్ద వివాదంలో చిక్కుకున్నాడు. ఫైనాన్షియర్లను నిలువునా ముంచేసిన ఆర్.ఆర్. మూవీ మేకర్స్ వాళ్లకు బినామీగానే రమేష్ నిర్మాత అవతారమెత్తాడంటూ ఇతడి సినిమాకు అడ్డం పడ్డారు ఫైనాన్షియర్లు. దీంతో ‘పైసా’ తీవ్ర ఇబ్బందులు ఎదుర్కొని చాలా ఆలస్యంగా విడుదలైంది. ఆ సినిమా ఫ్లాప్ కావడంతో ఇండస్ట్రీ నుంచి అదృశ్యమైపోయాడు రమేష్.
ఐతే ఈ ప్రొడ్యూసర్ దాదాపు రెండేళ్ల గ్యాప్ తర్వాత మళ్లీ ఓ సినిమా తీయడానికి రెడీ అవుతున్నాడు. మంచు మనోజ్ హీరోగా సాగర్ పాసల అనే కొత్త దర్శకుడితో ఓ సినిమా చేస్తున్నట్లు ప్రకటన చేశాడు రమేష్. మంచి కథ దొరికిందని.. మనోజ్ లోని ఎనర్జీని కొత్తగా చూపిస్తామని చెప్పాడు. ఈ సినిమాకు మ్యూజిక్ డైరెక్టర్ తమన్. అతను మనోజ్ సినిమాకు పని చేయబోతుండటం ఇదే తొలిసారి. ఇంకా హీరోయిన్‌ ను ఎంపిక చేయలేదు. వచ్చే నెలలోనే ఈ మూవీ సెట్స్ మీదికి వెళ్తుంది. ప్రస్తుతం మనోజ్ ‘శౌర్య’ పూర్తి చేసే పనిలో ఉన్నాడు. ‘అటాక్’ విడుదలకు సిద్ధంగా ఉంది.
ఐతే ఈ ప్రొడ్యూసర్ దాదాపు రెండేళ్ల గ్యాప్ తర్వాత మళ్లీ ఓ సినిమా తీయడానికి రెడీ అవుతున్నాడు. మంచు మనోజ్ హీరోగా సాగర్ పాసల అనే కొత్త దర్శకుడితో ఓ సినిమా చేస్తున్నట్లు ప్రకటన చేశాడు రమేష్. మంచి కథ దొరికిందని.. మనోజ్ లోని ఎనర్జీని కొత్తగా చూపిస్తామని చెప్పాడు. ఈ సినిమాకు మ్యూజిక్ డైరెక్టర్ తమన్. అతను మనోజ్ సినిమాకు పని చేయబోతుండటం ఇదే తొలిసారి. ఇంకా హీరోయిన్‌ ను ఎంపిక చేయలేదు. వచ్చే నెలలోనే ఈ మూవీ సెట్స్ మీదికి వెళ్తుంది. ప్రస్తుతం మనోజ్ ‘శౌర్య’ పూర్తి చేసే పనిలో ఉన్నాడు. ‘అటాక్’ విడుదలకు సిద్ధంగా ఉంది.