న‌చ్చి చేసిన వేశ్య పాత్ర‌లో ఒక సీన్ కు 37 టేకులు!

టాలీవుడ్ లో గ్లామ‌ర్ న‌టీమ‌ణుల‌కు కొద‌వ‌లేదు. అందం.. అభినయం క‌ల‌గ‌లిసిన న‌టీమ‌ణులు కొంద‌రే ఉంటారు. అందులోని శివ‌గామి లాంటి ప‌వ‌ర్ ఫుల్ పాత్ర‌తో వ‌చ్చిన ఇమేజ్ ను కాద‌ని.. అందుకు భిన్నంగా పూర్తిస్థాయి గ్లామ‌ర్ పాత్ర‌కు ఓకే చెప్ప‌టం ఒక ఎత్తు అయితే.. అందులోని ఒక సీన్ కోసం ర‌మ్య‌కృష్ణ ప‌డిన క‌ష్టం ఇప్పుడు షాకింగ్ గా మారింద‌ని చెబుతున్నారు.

సీనియ‌ర్ న‌టి అయిన‌ప్ప‌టికీ.. ఆమెలో అందం ఏ మాత్రం త‌గ్గ‌లేద‌న్న మాట ప‌లువురి నోట వినిపిస్తుంటుంది. తాజాగా ఆమె సూప‌ర్ డీల‌క్స్ అనే చిత్రంలో న‌టించారు. అందులో ఆమెది వేశ్య పాత్ర‌. ఆ పాత్ర‌ను తానెంతో ఇష్ట‌ప‌డి చేసిన‌ట్లుగా ఆమె చెప్పారు. త్యాగ‌రాజ‌న్ కుమార‌రాజ ద‌ర్శ‌క‌త్వం వ‌హించిన ఈ చిత్రంలో స‌మంత ప్ర‌ధాన పాత్ర‌లో న‌టించ‌గా.. విజ‌య్ సేతుప‌తి స్వ‌లింగ సంప‌ర్కుడి పాత్ర‌ను పోషిస్తున్నారు. తాజాగా ఈ చిత్రానికి సంబంధించిన ట్రైల‌ర్ విడుద‌లై ప‌లువురికి షాకిస్తోంది.

అందులో ర‌మ్య‌కృష్ణ శృంగార తార‌గా న‌టించారు. వేశ్య పాత్ర పోషించిన ర‌మ్య‌కృష్ణ నిర్ణ‌యం కోలీవుడ్ లో హాట్ టాపిక్ గా మారింది. ఇదిలా ఉంటే.. త‌న పాత్ర గురించి ఆస‌క్తిక‌ర విష‌యాన్ని వెల్ల‌డించారు ర‌మ్య‌కృష్ణ‌. సినిమాలో తాను న‌టించాల్సిన సీన్ కోసం ఏకంగా 37 టేకులు తినాల్సి వ‌చ్చింద‌న్నారు. ఆ సీన్ పూర్తి చేయ‌టానికి రెండు రోజులు ప‌ట్టింద‌ని చెప్పారు.

ఇదంతా చూసిన సెట్ లోని వారు.. త‌న అసిస్టెంట్లు షాక‌య్యార‌న్నారు. అయితే.. డ‌బ్బు కోసం కొంద‌రు కొన్ని పాత్ర‌లు చేస్తుంటార‌ని.. కానీ తాను మాత్రం ఈ పాత్ర‌ను ఇష్ట‌ప‌డి చేశాన‌ని చెప్పారు. ఈ మూవీ ఈ నెల‌ఖారులో విడుద‌ల‌ కానుంది. ఇంత‌కీ.. 27 టేకులు తీసుకున్న సీన్ ఏమిటో చెబితే బాగుంటుంది ర‌మ్య‌కృష్ణ‌?