ఒడుదొడుకులతో సాగిన రానా దగ్గుబాటి కెరీర్ ‘బాహుబలి’తో బాగానే ఊపందుకుంది. భల్లాల దేవుడి క్యారెక్టర్ తో దేశవ్యాప్తంగా విపరీతమైన పాపులారిటీ సంపాదించాడు రానా. ఆ క్యారెక్టర్ రానా కెరీర్ లో ఓ మైల్ స్టోన్ గా మిగిలిపోతుందనడంలో సందేహం లేదు. ఆ క్యారెక్టర్ గురించి జనాలు ఇంకా మరిచిపోకముందే మరో స్పెషల్ క్యారెక్టర్ తో జనాల్ని పలకరించబోతున్నాడు రానా. గుణశేఖర్ ‘రుద్రమదేవి’లో రానా చాళుక్య వీరభద్రుడిగా నటిస్తున్న సంగతి తెలిసిందే. ఆ క్యారెక్టర్ కు సంబంధించిన లుక్ ఇప్పటికే ప్రేక్షకులకు పరిచయమైంది. ఐతే రిలీజ్ డేట్ దగ్గర పడుతున్న నేపథ్యంలో తాజాగా మరింత ఇంటెన్సిటీ ఉన్న పోస్టర్ లను వదులుతున్నాడు గుణశేఖర్.
రానా పోషించిన చాళుక్య వీరభద్రుడి పాత్రకు సంబంధించి తాజాగా ఓ పోస్టర్ వదిలాడు. కదన రంగంలో దూసుకెళ్తున్న వీరభద్రుడిగా రానా అదరగొట్టేశాడంతే. ‘బాహుబలి’ సినిమాలో భల్లాల దేవుడి పాత్రను పరిచయం చేసినపుడు ఎంత ఇంటెన్సిటీతో కనిపించాడో.. ఈ పోస్టర్ లో సైతం అలాగే కనిపిస్తున్నాడు రానా. ఈ పోస్టర్ చూడగానే ఎవరికైనా ఉత్తేజం కలగడం ఖాయం. ఇలాంటి పోస్టర్ లు మరిన్ని పడ్డాయంటే ‘రుద్రమదేవి’ మీద మళ్లీ జనాలకు ఆసక్తి పెరగడం ఖాయం. వాయిదాల మీద వాయిదాలతో ఈ సినిమా మీద జనాలు విసుగెత్తిపోయారు. అక్టోబరు 9న కూడా వస్తుందో రాదో అన్న సందేహాలు కలిగాయి కానీ.. మరోసారి వాయిదా వేస్తే కష్టమని భావించి గుణశేఖర్ ఆ డేటుకే ఫిక్సయినట్లు తెలుస్తోంది.
రానా పోషించిన చాళుక్య వీరభద్రుడి పాత్రకు సంబంధించి తాజాగా ఓ పోస్టర్ వదిలాడు. కదన రంగంలో దూసుకెళ్తున్న వీరభద్రుడిగా రానా అదరగొట్టేశాడంతే. ‘బాహుబలి’ సినిమాలో భల్లాల దేవుడి పాత్రను పరిచయం చేసినపుడు ఎంత ఇంటెన్సిటీతో కనిపించాడో.. ఈ పోస్టర్ లో సైతం అలాగే కనిపిస్తున్నాడు రానా. ఈ పోస్టర్ చూడగానే ఎవరికైనా ఉత్తేజం కలగడం ఖాయం. ఇలాంటి పోస్టర్ లు మరిన్ని పడ్డాయంటే ‘రుద్రమదేవి’ మీద మళ్లీ జనాలకు ఆసక్తి పెరగడం ఖాయం. వాయిదాల మీద వాయిదాలతో ఈ సినిమా మీద జనాలు విసుగెత్తిపోయారు. అక్టోబరు 9న కూడా వస్తుందో రాదో అన్న సందేహాలు కలిగాయి కానీ.. మరోసారి వాయిదా వేస్తే కష్టమని భావించి గుణశేఖర్ ఆ డేటుకే ఫిక్సయినట్లు తెలుస్తోంది.