తెలుగు టీవీ షోలో రంజిత పాఠాలు!

స్వామి నిత్యానంద.. పెద్దగా పరిచయం అవసరంలేని పేరు. చిత్రవిచిత్ర గెటపులతో - చిల్లర పనులతో - హీరోయిన్స్ తో రచ్చ రచ్చ చేశాడని అప్పట్లో ఆరోపణలు వచ్చాయి. అనంతరం తాను మగాడిని కాదని, "ఆ పని"కి పనికిరానని చెప్పుకున్న సంగతి తెలిసిందే. అయితే నిత్యానంద ఎంత ఫేమస్సో - అతడి అనుంగ శిష్యురాలుగా పేరుపొందిన సినీనటి రంజిత కూడా అంతే ఫేమస్. కేవలం గురువు నిత్యానంద వారి "సేవ"లోనే తరించే ఈమే కూడా అప్పట్లో ఫుల్ ఫేమస్ అయ్యింది. అయితే లో ప్రొఫైల్ మెయింటెన్ చేస్తున్నారో ఏమో కానీ.. ఈ మధ్య కాలంలో వీరిద్దరికీ సంబందించిన వార్తలు రావడం బాగా తగ్గింది.. ఈ విషయాలపై ఫీలయ్యే వారికో శుభవార్త తాజాగా వెలుగులోకి వచ్చింది!

సినీ నటిగా కంటే - నిత్యానంద శిష్యురాలిగానే ఎక్కువగా ఫేమస్ అయిన రంజిత.. త్వరలో తన భక్తి పాఠాలతో తెలుగు ప్రజలను రంజింపజేసేందుకు సన్నాహాలు చేసుకుంటుందట. ఈ మేరకు భారీస్థాయిలోనే సన్నాహాలు జరుగుతున్నాయని టాక్. దసరా నాటికి ప్రారంభమయ్యే ఒక కొత్త తెలుగు టీవీ చానెల్‌ లో రంజిత దర్శనమివ్వబోతుందని, ఆ కార్యక్రమంలో భాగంగా నిత్యానంద ప్రవచనాలను ఈమె ప్రమోట్ చేస్తారని.. ఈ మేరకు ఆ టీవీ చానెల్‌ ను డిజైన్ చేస్తున్నారని తెలుస్తోంది.

అయితే ఈ భక్తి చానెల్‌ ను ఒక తెలుగు దినపత్రిక అధినేత నిర్వహిస్తారని.. ఆయన నిత్యానందకు ఉన్న వీర భక్తుల్లో ఒకరని చెబుతున్నారు. తెలుగు బాషలోనే ప్రారంభమయ్యే ఈ భక్తి చానెల్‌ ను రంజితే డిజైన్ చేసిందట. నిత్యానందను మరింత పాపులర్ చేయడమే ఆమె తన ప్రధాన కర్తవ్యంగా భావిస్తున్నారట. అయితే ఈ ప్రచారంలో వాస్తవం ఏ మేరకు ఉందో గానీ.. ఇదే నిజమైతే మాత్రం నిత్యానంద తెలుగు శిష్యులకు - భక్తులకు ఈమె ప్రవచనాలు తొందర్లోనే అందుబాటులోకి రానున్నాయన్నమాట.