పోలీసుకు స్టార్ హీరో ముద్దు

ఎవరైనా సహాయం చేసినప్పుడు థ్యాంక్స్ చెబుతారు. ఇంకాస్త ఎక్కువగా ఫీలైతే షేక్ హ్యాండ్ ఇచ్చి చాలాచాలా థ్యాంక్స్ అంటారు. మరింతగా ఫీలైపోతే ఓ చిన్న హగ్ ఇచ్చి కృతజ్ఞతలు చెబుతారు. ఇవన్నీ మామూలుగా ఎవరైనా చేసేవే. కానీ బాలీవుడ్ హీరో రణ్ వీర్ సింగ్ మాత్రం థ్యాంక్స్ చెప్పడానికి బదులు ముద్దులెట్టేశాడు.

రణ్ వీర్ సింగ్ ఎక్సర్ సైజులు అవీ చేయడానికి ముంబయిలోని బాంద్రాలో రెగ్యురల్ గా ఒకే చోటకు వస్తుంటాడు. ఈమధ్య బాలీవుడ్ లో రణ్ వీర్ క్రేజ్ బాగా పెరిగిపోవడంతో అతడు కనిపించిన చోటల్లా ఫ్యాన్స్ పెద్ద సంఖ్యలో గుమిగూడిపోతున్నారు. ఈమధ్య ఇదే పరిస్థితి ఎదురైంది. అదే ప్రాంతంలో డ్యూటీలో ఉన్నఓ పోలీసు చొరవ తీసుకుని రణ్ వీర్ ఫ్యాన్స్ మధ్య ఇరుక్కుపోకుండా... ఎక్కడా ఆగాల్సిన అవసరం లేకుండా బయటకు పోయేలా లైన్ క్లియర్ చేశాడు. అతడి పనితీరుకు ఇంప్రెస్ అయిపోయిన రణ్ వీరు సదరు పోలీసు దగ్గరకెళ్లి ఓ హగ్గిచ్చి.. బుగ్గపై గట్టిగా ముద్దిచ్చి వెళ్లిపోయాడు. అంతపెద్ద హీరో ముద్దిచ్చేస్తుంటే ఆ పోలీసు తెగ సిగ్గు పడిపోయాడు.

బాలీవుడ్ లో భారీ చిత్రాల దర్శకుడు సంజయ్ లీలా భన్సాలీ డైరెక్షన్ లో ఇప్పుడు రణ్ వీర్ హ్యాట్రిక్ సినిమా చేస్తున్నాడు. ఇంతకుముందు వీరిద్దరి కాంబినేషన్ లో రామ్-లీలా.. బాజీరావ్ మస్తానీ సినిమాలొచ్చాయి. తాజాగా పద్మావతి సినిమా రిలీజ్ కు సిద్ధంగా ఉంది. ఇందులో రణ్ వీర్ క్రూరుడైన అల్లావుద్దీన్ ఖిల్జీ పాత్రలో కనిపించబోతున్నాడు.