రష్మిక ఎంట్రీ మూవీ వర్షార్పనం?

టాలీవుడ్‌ లో స్టార్‌ హీరోయిన్‌ గా వెలుగు వెలుగుతున్న ముద్దుగుమ్మ రష్మిక మందన్న మరో వైపు కోలీవుడ్‌ లో కూడా పట్టు కోసం ప్రయత్నాలు చేస్తోంది. గత ఏడాది ఈమె ఒక తమిళ సినిమాలో నటించే అవకాశం దక్కించుకుంది. ఆ సినిమా షూటింగ్‌ కొన్ని రోజుల చిత్రీకరణ కూడా జరిగింది. సినిమా కోసం భారీ సెట్టింగ్‌ ఏర్పాటు చేసి షూటింగ్‌ కు వెళ్లాలనుకుంటున్న సమయంలో అనూహ్యంగా కరోనా వల్ల సినిమా ఆగిపోయింది. అయిదు నెలలుగా ఆ సెట్‌ నిరుపయోగంగా ఉందట. ఇప్పుడు చెన్నైలోని భారీ వర్షాల కారణంగా మొత్తం నాశనం అయ్యిందట.

కోట్లు ఖర్చు పెట్టి నిర్మించిన ఆ సెట్‌ నాశనం అవ్వడంతో దాన్ని మళ్లీ నిర్మించాలంటే ఖర్చుతో కూడుకుందట. దాంతో సినిమా బడ్జెట్‌ మరీ ఎక్కువ అవుతుందని నిర్మాతలు భావిస్తున్నారట. ఆ బడ్జెట్‌ వర్కౌట్‌ అవుతుందో లేదో అనుమానంతో సినిమాను మొత్తానికే క్యాన్సిల్‌ చేశారంటూ తమిళ మీడియాలో వార్తలు వస్తున్నాయి. ఆ సినిమాకు సంబంధించిన చర్చలు దాదాపుగా ఆగిపోయాయట. ఆ చిత్రంతో తమిళంలో ఎంట్రీ ఇవ్వాలనుకున్న రష్మికకు ఇదో పెద్ద షాక్‌ అని చెప్పుకోవచ్చు. మరో సినిమాతో రష్మిక ఎంట్రీ కోసం ప్రయత్నించాలి.

ఈ ఏడాది టాలీవుడ్‌ లో సరిలేరు నీకెవ్వరు మరియు భీష్మ చిత్రాలతో సక్సెస్‌ దక్కించుకుంది. ఈ ఏడాది ఒక్క సినిమా కూడా చేయని హీరోయిన్స్‌ చాలా మంది ఉన్నారు. కాని రష్మిక మాత్రం రెండు సూపర్‌ హిట్స్‌ ను అందుకుంది. ఇక ప్రస్తుతం ఈమె పుష్ప చిత్రంలో నటిస్తున్న విషయం తెల్సిందే. ఆ చిత్రంతో పాటు మరికొన్ని సినిమాలు చర్చల దశలో ఉన్నాయి. కన్నడంలో కూడా మంచి క్రేజ్‌ దక్కించుకున్న ఈ అమ్మడు తమిళం ఎంట్రీకి ఇంకొంత కాలం వెయిట్‌ చేయక తప్పదేమో అంటున్నారు.