బాల‌య్య వ‌ర్సెస్ ర‌వితేజ‌.. ఆహా అనిపించారు!

న‌ట‌సింహా నంద‌మూరి బాల‌కృష్ణ `ఆహా-ఓటీటీ` ప్ర‌ధాన హోస్ట్ గా సంచ‌ల‌నాలు సృష్టిస్తున్న సంగ‌తి తెలిసిందే. అన్ స్టాప‌బుల్ విత్ ఎన్.బి.కే కార్య‌క్ర‌మం ఇటీవల బంప‌ర్ హిట్ షోగా నిలిచింది. వ‌రుస‌గా అగ్ర తార‌ల‌తో బాల‌య్య బాబు ఇంట‌ర్వ్యూలు ర‌క్తి క‌ట్టిస్తున్నాయి.

ఇంత‌కుముందు మోహ‌న్ బాబు... అల్లు అర్జున్.. నాని స‌హా ప‌లువురు అగ్ర‌తార‌ల‌తో బాల‌య్య ఛ‌మ‌క్కుల‌ను ఆడియెన్ ఇంకా మ‌రువ‌లేదు. ఇంత‌లోనే మాస్ మ‌హారాజా ర‌వితేజ‌తో ఎన్.బి.కే విన్యాసం హాట్ టాపిక్ గా మారింది. న‌ట‌సింహా నంద‌మూరి బాల‌కృష్ణ ఎంతో జోష్ తో క‌నిపిస్తున్నారు ఈ ప్రోమోలో. బాల‌య్య మ్యూజిక్ అన‌గానే ర‌వితేజ డ్యాన్సులు అద‌ర‌గొట్టేశారు. ఆ ఇద్ద‌రితో పాటు బాల‌కృష్ణ త‌దుప‌రి చిత్రానికి ప‌ని చేయ‌నున్న గోపిచంద్ మ‌లినేని కూడా ఉన్నారు.

ర‌వితేజ‌తో బ‌లుపు లాంటి మాస్ హిట్ చిత్రాన్ని తెర‌కెక్కించిన గోపిచంద్ మ‌లినేని ఇటీవ‌లే క్రాక్ లాంటి మ‌రో బంప‌ర్ హిట్ ని రాజాకి ఇచ్చాడు. మాస్ సినిమాలే కాదు రియ‌లిస్టిక్ పంథాలో క‌థాంశాన్ని కూడా అంతే క‌మ‌ర్షియ‌లైజ్ చేసి తెర‌కెక్కించ‌గ‌ల‌న‌ని గోపిచంద్ మ‌లినేని నిరూపించారు. అందుకే ఇప్పుడు `అఖండ` లాంటి బ్లాక్ బ‌స్ట‌ర్ అందుకున్న ఎన్బీకేతో క‌లిసి ప‌ని చేసే అవ‌కాశం ద‌క్కింది. ఆ ముగ్గురూ ఉన్న ప్రోమో ఇప్పుడు అంత‌ర్జాలంలో వైర‌ల్ గా మారింది. డిసెంబ‌ర్ 31న ఆహాలో ఎపిసోడ్ 7 పేరుతో అన్ స్టాప‌బుల్ కార్య‌క్ర‌మం స్ట్రీమింగ్ కానుంది. ప్ర‌మోనే కిక్కిచ్చింది. ఇక పూర్తి కార్య‌క్ర‌మం మాస్ ని ఇంకెంత‌గా అల‌రించ‌నుందో చూడాలి. ఇక‌పోతే బాల‌య్య ఈ ప్రోమోలో ఎంతో యంగ్ గా క‌నిపిస్తున్నారో ర‌వితేజ అంత‌కుమించి టూ యంగ్ గా క‌నిపిస్తున్నార‌ని గుస‌గుస‌లు జోరెక్కిపోతున్నాయి.