మాస్ రాజా ఖాతాలో 'క్రాక్' మరో హిట్టు కాబోతుందా..??

మాస్ మహారాజ్ రవితేజ సినిమాలు టాలీవుడ్ ఇండస్ట్రీలో ఎంతటి ప్రభావం చూపిస్తాయో అందరికి తెలిసిందే. మాస్ రాజా అభిమానులకు ఆయన సినిమాలు థియేటర్లోకి వస్తుందంటే పెద్ద పండగే అని చెప్పాలి. అది హిట్టయినా ప్లాపయినా రిసీవ్ చేసుకోవడం మాత్రం మాములుగా ఉండదు. వరుస ప్లాప్ లలో ఉన్నా కూడా రవితేజ సినిమా అంటే సినీ ప్రేక్షకులలో తెలియని ఉత్సాహం. అలాంటి ఫీల్ నే కలిగిస్తోంది తాజాగా విడుదలైన క్రాక్ ట్రైలర్. పవర్ ఫుల్ పోలీస్ ఆఫీసరుగా రవితేజ ఇందులో అల్లాడిస్తాడని ట్రైలర్ చూసిన ప్రతి ఒక్కరూ భావిస్తున్నారు. జనవరి 9న విడుదల కాబోతున్న క్రాక్ సినిమా పై అంచనాలు మాత్రం తారాస్థాయిలో నెలకొన్నాయి. రవితేజ నుండి ఎలాంటి మాస్ యాక్షన్ కావాలని కోరుకున్నారో అదే చూపిస్తున్నట్లు తెలిపారు మేకర్స్.

క్రాక్ సినిమా మాస్ రాజా అభిమానులకు ఫుల్ మీల్స్ అని చెప్పవచ్చు. ఎందుకంటే ఇప్పటికే సినిమా ట్రైలర్, టీజర్, సాంగ్స్ ఇలా అన్ని ప్రేక్షకులను విపరీతంగా ఆకట్టుకున్నాయి. ప్రస్తుతం సోషల్ మీడియాలో క్రాక్ వీడియోస్ ఫుల్ స్వింగ్ లో ఉన్నాయి. ఇక ఇటీవల థియేటర్లలో విడుదలైన సోలో బ్రతుకే సో బెటర్ తర్వాత క్రాక్ సినిమా రెడీ అవుతోంది. ఇండస్ట్రీ చూపంతా క్రాక్ పై పడింది. ఖచ్చితంగా ఈసారి హిట్టు కొడుతుందనే ఆశలు ఇండస్ట్రీ వర్గాలలో కూడా నెలకొన్నాయి. ఎందుకంటే క్రాక్ సినిమా ప్రభావం కూడా రాబోయే సినిమాలపై కనిపిస్తుంది. అసలే థియేటర్లలో 50% సీటింగ్ ఉండటం క్రాక్ సినిమాకు ఒక బ్యాడ్ లక్ అని చెప్పాలి. ఈ విధంగా కలెక్షన్స్ పరంగా ఏదైనా తారతమ్యం జరిగే అవకాశం ఉంది. ఇక క్రాక్ వచ్చిన తర్వాత వెంటనే మరో మూడు సినిమాలు సంక్రాంతికి విడుదల కాబోతుండటం పెద్ద దెబ్బే. రాష్ట్రాల వ్యాప్తంగా అన్ని థియేటర్లు ఓపెన్ కాలేదు. చూడాలి మరి రవితేజ - గోపీచంద్ మలినేనిల మ్యాజిక్ రిపీట్ అవుతుందేమో..!!

Full View