అందుకేనా అనసూయా!?

సూయా సూయా అనసూయా.. అంటూ హాట్ యాంకర్ అనసూయ ఐటెం సాంగ్ చేయడం.. ఓ సెన్సేషన్. విన్నర్ మూవీలో సాయిధరంతేజ్ తో ఈ భామ ఆడిపాడేసింది. ఆ పాటకు కు సంబంధించిన లిరికల్ వీడియో ఇప్పటికే యూట్యూబ్ లో హల్ చల్ చేసేస్తోంది. అసలు ఐటెం సాంగ్స్ కు ఆమడ దూరం అన్న అనసూయ ఈ పాటను చేయడానికి కారణాలేంటో తెలుసా?

మొదటగా తన పేరు మీదే పాట పెట్టడం అనే పాయింట్ అనసూయను బాగా టచ్ చేసిందట. సూయాసూయా., అనసూయ అనే పాట తెగ నచ్చేసిందట. దీంతో పాటు ఈ ఒక్క పాట కోసం అమ్మడికి 25 లక్షల రెమ్యూనరేషన్ ఆఫర్ చేయడంతో.. ఇక కాదనలేకపోయిందట అనసూయ. అనసూయతో సమానమైన లీగ్ లో ఉండే వారితో పోల్చితే.. ఇది చాలా  భారీ మొత్తం. అందుకే ఈ పాటకు ఒప్పుకుందట అనసూయ. అలాగే షూటింగ్ విషయంలో తన మంచితనాన్ని కూడా చాటుకుంది ఈ హాటీ. మొదట ఇచ్చిన కాల్షీట్స్ తో సాంగ్ షూట్ పూర్తి చేసినా.. తర్వాత రీషూట్ కోసం మళ్లీ డేట్స్ అడిగారట మేకర్స్.

అయినా సరే ఎలాంటి అభ్యంతరాలు చెప్పకుండా తిరిగి డేట్స్ ఇచ్చి సహకరించడంతో అనసూయకు బోలెడన్ని అభినందనలు వచ్చేస్తున్నాయి. మరి ఐటెం భామగా అనసూయ ఏ రేంజ్ లో మెప్పించిందో తెలియాలంటే.. ఈ నెల 24న విన్నర్ రిలీజ్ వరకూ ఆగాల్సిందే.


Like Us on Facebook : https://www.facebook.com/Tupakidotcom/