నా ఆఫీస్‌ కు ఎవడైనా దమ్ముంటే రండీ..!

రామ్‌ గోపాల్‌ వర్మ తెరకెక్కించిన ‘పవర్‌ స్టార్‌’ చిత్రం మరికొన్ని గంటల్లో ప్రేక్షకుల ముందుకు రాబోతుంది. ఆ సినిమా ప్రమోషన్‌ కోసం వర్మ నోటికి అద్దు అదుపు లేకుండా మాట్లాడుతున్నాడు. సినిమా ప్రమోషన్‌ లో భాగంగా పలు మీడియా సంస్థల లైవ్‌ షోలో కూర్చున్న రామ్‌ గోపాల్‌ వర్మ ఆ సందర్బంగా పవన్‌ ఫ్యాన్స్‌ ను మరింతగా రెచ్చగొట్టేలా మాట్లాడాడు. నా ఇష్టం వచ్చింది చేసుకుంటా ఎవడైనా ఏమైనా చేసుకోండి అంటూ పవన్‌ ఫ్యాన్స్‌ ను ఛాలెంజ్‌ చేశాడు.

నా ఆఫీస్‌ ఓల్డ్‌ ఎమ్మెల్యే క్వార్టర్స్‌ లో ఉంది. గూగుల్‌ మ్యాప్‌ లో కొట్టినా కనిపిస్తుంది. గూగుల్‌ మ్యాప్‌ పట్టుకుని వచ్చేయండి. ఆఫీస్‌ లో నేను ఒక్కడినే ఉంటా. దమ్ముంటే నా ముందుకు వచ్చి మాట్లాడండి. నేను ఎవరిని ఉద్దేశించి సినిమా తీయలేదు. కేవలం నేను ఒక ఫిక్షన్‌ కథను అనుకుని దానికి తగ్గట్లుగా పాత్రలు తీసుకుని సినిమాను చేశాను. అంతే తప్ప దీంట్లో ఎవరినో కించపర్చాలనే ఉద్దేశ్యం తనకు లేనే లేదన్నాడు.

రామ్‌ గోపాల్‌ వర్మకు వ్యతిరేకంగా పరాన్నజీవి అనే చిత్రంను పవన్‌ అభిమానులు తెరకెక్కిస్తున్నారు. ఆ సినిమాపై వర్మ స్పందిస్తూ ఎవరికి ఇష్టం వచ్చింది వారు తీసుకోవచ్చు. నా గురించి తీస్తున్నారని నేనేమి వారి మీదకు వెళ్లాలనుకోవడం లేదు. నేను తీసిన సినిమా అందరికి నచ్చాలని ఏమీ లేదు. నచ్చిన వాళ్లే చూస్తారంటూ వర్మ లాజిక్‌ గా మాట్లాడాడు.