ఒక మూసలో సాగిపోతున్న జూనియర్ ఎన్టీఆర్ కెరీర్ ను మలుపు తిప్పిన సినిమా ‘టెంపర్’. ఆ సినిమాతోనే మళ్లీ సక్సెస్ ట్రాక్ ఎక్కాడు ఎన్టీఆర్. తారక్ నట విశ్వరూపం చూపించిన ఈ సినిమా తెలుగు ప్రేక్షకుల్ని ఆకట్టుకుని మంచి విజయం సాధించింది. ఈ సినిమా పొరుగు భాషల వాళ్లను కూడా ఆకర్షించింది. తమిళంలో విశాల్ హీరోగా ఈ సినిమాను రీమేక్ చేయడానికి సన్నాహాలు జరుగుతున్నాయి. మరోవైపు బాలీవుడ్ వాళ్లు కూడా ‘టెంపర్’ రీమేక్ రైట్స్ తీసుకున్నారు. రణ్వీర్ సింగ్ హీరోగా రోహిత్ శెట్టి ఈ చిత్రాన్ని రీమేక్ చేయడానికి రెడీ అయినట్లు వార్తలొచ్చాయి. చిత్ర నిర్మాణ సంస్థ కూడా ఈ విషయాన్ని ధ్రువీకరించింది.
ఐతే ఇప్పుడు రోహిత్ శెట్టి సడెన్‌ గా బాంబు పేల్చాడు. తాను ‘టెంపర్’ సినిమాను రీమేక్ చేయట్లేదన్నాడు. ఆ సినిమా రీమేక్ రైట్స్ తీసుకున్న మాట కూడా వాస్తవమే అని.. కానీ తాను తీయబోయే సినిమాను రీమేక్ అనలేమని రోహిత్ చెప్పాడు. ‘టెంపర్’ లోంచి నాలుగు సీన్లు మాత్రమే తీసుకుంటున్నానని.. మిగతా అంతా తన సొంత స్క్రిప్టు ప్రకారమే సినిమా సాగుతుందని రోహిత్ చెప్పాడు. అందుకే దీన్ని తాను రీమేక్ గా భావించట్లేదని రోహిత్ చెప్పాడు. ఈ చిత్రాన్ని 2018లో మొదలుపెడతానని.. ఇంకా హీరోయిన్ ఎవరో ఖరారు కాలేదని రోహిత్ తెలిపాడు. తెలుగు నుంచి బాలీవుడ్లోకి వెళ్లే చాలా కథలు షేపు మారిపోతుంటాయి. రెడీ.. కిక్ లాంటి చిత్రాల్ని చాలా వరకు మార్చేసి హిందీలో తీశారు. ‘టెంపర్’ కూడా ఆ కోవలోకే చేరుతుందేమో.
ఐతే ఇప్పుడు రోహిత్ శెట్టి సడెన్‌ గా బాంబు పేల్చాడు. తాను ‘టెంపర్’ సినిమాను రీమేక్ చేయట్లేదన్నాడు. ఆ సినిమా రీమేక్ రైట్స్ తీసుకున్న మాట కూడా వాస్తవమే అని.. కానీ తాను తీయబోయే సినిమాను రీమేక్ అనలేమని రోహిత్ చెప్పాడు. ‘టెంపర్’ లోంచి నాలుగు సీన్లు మాత్రమే తీసుకుంటున్నానని.. మిగతా అంతా తన సొంత స్క్రిప్టు ప్రకారమే సినిమా సాగుతుందని రోహిత్ చెప్పాడు. అందుకే దీన్ని తాను రీమేక్ గా భావించట్లేదని రోహిత్ చెప్పాడు. ఈ చిత్రాన్ని 2018లో మొదలుపెడతానని.. ఇంకా హీరోయిన్ ఎవరో ఖరారు కాలేదని రోహిత్ తెలిపాడు. తెలుగు నుంచి బాలీవుడ్లోకి వెళ్లే చాలా కథలు షేపు మారిపోతుంటాయి. రెడీ.. కిక్ లాంటి చిత్రాల్ని చాలా వరకు మార్చేసి హిందీలో తీశారు. ‘టెంపర్’ కూడా ఆ కోవలోకే చేరుతుందేమో.