మేనల్లుడు కూడా ఫిబ్రవరికే ఫిక్స్

మెగా మేనల్లుడు సాయి ధరమ్ తేజ్ రీసెంట్ గా జవాన్ సినిమాతో డిజాస్టర్ అందుకున్నా కూడా తన స్పీడ్ ని ఏ మాత్రం తగ్గించడం లేదు.  రిజల్ట్ ఎలా ఉన్నా ఎనర్జీ లో మాత్రం తేడా రాకుండా వెంట వెంటనే సినిమాలను ఫినిష్ చేసి వీలైనంత త్వరగా మళ్లీ తన ఫామ్ లోకి రావాలని చూస్తున్నాడు. ప్రస్తుతం తన 9వ సినిమాను వివి.వినాయక్ దర్శకత్వంలో చేస్తోన్న సంగతి తెలిసిందే. అయితే ఈ సినిమాపై సాయి ధరమ్ చాలా ఆశలు పెట్టుకున్నాడు.

ఇక ఈ సుప్రీమ్ హీరో కెరీర్ లో ఇదొక బిగ్గెస్ట్ హిట్ సినిమా అవుతుందని  చిత్ర యూనిట్ ద్వారా తెలుస్తోంది. ఫుల్ మాస్ యాక్షన్ తరహాలో సినిమా ఉండనుందట. వివి.వినాయక్  దర్శకత్వంలో తెరకెక్కుతోంది అంటే ఈజీగా ఇది మాస్ ఎంటర్టైనర్ అని చెప్పవచ్చు. ఇక అసలు విషయానికి వస్తే.. సినిమా రిజల్ట్ డేట్ పై రీసెంట్ గా ఒక న్యూస్ అందింది. సినిమాని ఫిబ్రవరి 9న రిలీజ్ చేయాలని అనుకుంటున్నారట.  సాంగ్స్ కి సంబంధించిన షూటింగ్ ని  ఈ నెల 18న స్టార్ట్ చేసి వీలైనంత త్వరగా క్లైమాక్స్ ను కూడా ఫినిష్ చేయాలని అనుకుంటున్నారు.

ఆయితే ఫిబ్రవరి 9న వరుణ్ తేజ్ తొలిప్రేమ కూడా రాబోతోంది. ఇక నిఖిల్ కిరిక్ పార్టీ మోహన్ బాబు గాయత్రి సినిమాలు అదే రోజు రిలీజ్ కాబోతున్నాయి. సాయి ధరమ్ తేజ్ కూడా అదే డేట్ ను ఫిక్స్ చేసుకొని రాబోతున్నట్లు తెలుస్తోంది. ఇక సినిమాకు రీసెంట్ గా ధర్మ భాయ్ అనే టైటిల్ ను ఫిక్స్ చేశారని వార్తలు వచ్చాయి. ఇక అంతకుముందు ఇంటిలిజెంట్ అనే టైటిల్ సెట్ చేశారని వార్తలు వచ్చిన సంగతి తెలిసిందే.